پەتروپاۆلدىق ساقشىلار «اداي» كۇيىن ءبىر مەزەتتە تارتتى

اسانا. قازاقپارات- پەتروپاۆلدىق ءتارتىپ ساقشىلارى قازاقستان پوليتسياسىنىڭ 25 جىلدىعىنا ارناپ ەلدەن ەرەك فلەشموب وتكىزدى. قۇقىق قورعاۋشىلار ورتالىق كوشەدە قاز- قاتار تۇرا قالىپ، كۇي اتاسى - قۇرمانعازىنىڭ كۇيى «ادايدى» ءبىر مەزەتتە اسقاقتاتا تارتتى.

 كىشى سەرجانتتان باستاپ مايورعا دەيىن دومبىرانىڭ قۇلاعىندا ويناپ، كوپشىلىكتىڭ كوڭىلىن كوككە كوتەردى. تۇرعىندار ۇلتتىق ساز اسپابىن ۇستاعان ءتارتىپ ساقشىلارىن سۋرەتكە ءتۇسىرىپ، ونەرىنە ءتانتى بولدى. سونىمەن قاتار ولار اشىق اسپان استىندا مەرەيلى داتا - «25» سانى مەن «ىشكى ىستەر ورگاندارى» دەگەن جازۋدى بەينەلەدى. شاراعا 500-دەي ادام قاتىستى.

جانات سۇلتانوۆ، وبلىستىق ءى ءى د جول - پاترۋلدىك پوليتسيا باتالونى كومانديرىنىڭ ورىنباسارى:

 - مەن پوليتسيا قىزمەتىندە 10 جىل بويى قىزمەت اتقارىپ كەلە جاتىرمىن. قىزمەت وتە قيىن. قيىن بولعاندىقتان، وسى قىزمەتتى وتانىمىز ءۇشىن، ءوزىم ءۇشىن، ەلىم ءۇشىن تاڭدادىم. قوعامنىڭ تىنىشتىعىن قورعايمىز. بۇل وتە پايدالى، قىزىقتى ءارى قاجەت دەپ ويلايمىن.

www.khabar.kz