ءومىرىنىڭ ساناۋلى كۇندەرى قالعان بريتاندىق ەۆەرەست شىڭىن باعىندىردى
ءومىرىنىڭ نەبارى بىرنەشە اي عانا ۋاقىتى قالعاندىعىن ايتقان دارىگەرلەردىڭ سوزىنەن كەيىن ول بارلىق كۇش- جىگەرىن جيناپ، 5 - ماۋسىم كۇنى تاۋدىڭ ۇشار شىڭىنا شىقتى.
شەففيلد قالاسىندا تۋىپ، «شەففيلد ۋەنسدەي» فۋتبول كلۋبىنىڭ جانكۇيەرى بولعان يان ومىرىندەگى سوڭعى ساياحاتىنا اتالعان كوماندانىڭ باس قارسىلاسى - «شەففيلد يۋنايتەد» كومانداسىنىڭ جالاۋىن الا كەتتى. ونىڭ ايتۋىنشا، بۇلاي ىستەۋىنە «يۋنايتەدتىڭ» جانكۇيەرى - ەكسپەديتسياعا مىڭ فۋنت ستەرلينگىن بەرىپ، قايىرىمدىلىق جاساعان دوسى ءوتىنىش بىلدىرگەن.
شىڭ باسىنا شىعۋعا قاجەتتى قالعان قاراجاتتى يان GoFundMe پلاتفورماسى ارقىلى جينادى. قايسار ءالپينيستىڭ ارمانىن جۇزەگە اسىرۋعا 700 گە جۋىق ادام ۇلەس قوسىپ، 35 مىڭ فۋنت ستەرلينگ جيناپ بەردى. يان ونىڭ 29 مىڭىن جۇمساپ، قالعانىن ماكميللانداعى قاتەرلى ىسىك دەرتىنە شالدىققاندارعا ارنالعان قايىرىمدىلىق قورىنا وتكىزدى.
