قىتايدا رەلسسىز جۇرەتىن ترامۆاي جاسالدى

استانا. قازاقپارات - جۋىردا قىتايدىڭ CRRC تاسىمالداۋشى كومپانياسى اۆتوبۋس، ترامۆاي جانە وزدىگىنەن باسقارىلاتىن اۆتوكولىكتىڭ ارتىقشىلىقتارى توپتاستىرىلعان قوعامدىق كولىك ويلاپ تاپتى، دەپ حابارلايدى xinhuanet.com.

 اتالعان تاسىمالداۋشى كولىك اۆتوبۋس ءتارىزدى رەلستى قاجەت ەتپەيدى، ترامۆاي سەكىلدى قوسىمشا ۆاگونداردى تىركەي الادى، ال وزدىگىنەن باسقارىلاتىن اۆتوكولىك ءتارىزدى وعان جۇرگىزۋشىنىڭ قاجەتى جوق.

 كولىك قالا ىشىندە ارنايى جاسالعان باعىت بويىنشا جۇرەدى. وعان 300-دەن ارتىق جولاۋشى سيادى. ەڭ جوعارعى جىلدامدىعى ساعاتىنا 70 ك م. بۇل شەشىم مەترو نەمەسە ترامۆاي جولدارىن توسەگەننەن الدەقايدا ارزانعا تۇسەدى. ورتا جانە شاعىن قىتاي قالالارى ءۇشىن تەڭدەسسىز ءادىس بولۋى مۇمكىن دەپ ەسەپتەيدى CRRC كومپانياسىنىڭ باس ينجەنەرى. مۇنداي كولىككە ارنالعان 6,5 ك م جول جۋچجوۋ قالاسىندا سالىنىپ، 2018 -جىلى پايدالانۋعا بەرىلمەكشى.