07:53, 07 - ماۋسىم 2017 | GMT +5
استانا قالاسىنىڭ اكىمى چىڭ لۇڭدى اۋەجايدان كۇتىپ الدى - فوتو
استانا. قازاقپارات - استانا قالاسىنىڭ اكىمى اسەت يسەكەشوۆ الەمدىك اكتەر دجەكي چاندى ەلوردا اۋەجايىنان كۇتىپ الدى، دەپ حابارلايدى قازاقپارات.
بۇل تۋرالى استانا قالاسى اكىمىنىڭ باسپا ءسوز حاتشىسى ەلۆيرا جورگەنبايەۆا فەيسبۋكتەگى پاراقشاسىندا «قالا اكىمى ايگىلى اكتەردى قارسى الدى»، - دەپ جازدى.
«وسكار» سىيلىعىنىڭ يەگەرى دجەكي چان 7 - ماۋسىمدا قازاقستانداعى قىتاي كينوسى فەستيۆالىنىڭ اشىلۋ سالتاناتىنا قاتىسادى دەپ كۇتىلۋدە.
ەسكە سالا كەتەيىك، دجەكي چان قازاق ءانشىسى ديماش قۇدايبەرگەندى قىتايداعى «مەن ءانشىمىن» بايقاۋىندا قولداعان بولاتىن. ءوز كەزەگىندە ديماش قۇدايبەرگەن دجەكي چاندى «ۇلكەن اعام» دەپ جازعان ەدى.
اۆتور: گۇلسايا جاقان
