شىمكەنتتە قىلمىستىق توپتى باسقارىپ كەلگەن «اتامان» ايەل ۇستالدى

استانا. قازاقپارات - و ق و مەملەكەتتىك كىرىستەر دەپارتامەنتىنىڭ ەكونوميكالىق زەرتتەۋلەر قىزمەتى ۇيىمداسقان قىلمىستىق توپتىڭ جولىن كەستى.

اتالمىش توپ بىرنەشە جىل بويى جۇمىسسىزدارعا جۇمىس ورىندارىن اشۋ ءۇشىن بولىنگەن مەملەكەتتىك بيۋدجەتتىڭ اقشاسىن ارمانسىز جىمقىرىپ كەلگەن.

بۇل تۋرالى «وتىرار» حابارلايدى.

قاراجاتتى بانكوماتتان الىپ جاتقان جەرىنەن قىلمىستىق توپتىڭ ۇيىمداستىرۋشىسى، شىمكەنت قالاسىنىڭ تۋماسى جانە تۇرعىنى «د» ەسىمدى ازاماتشا قولعا تۇسكەن.

سوت سانكسياسىمەن ءتىنتۋ كەزىندە تۇرعىلىقتى جەرىنەن 180 پلاستيكالىق بانك كارتاسى، 2 ميلليوننان استام تەڭگە، ءارتۇرلى جەكە كاسىپورىنداردىڭ 88 ءمورى، 22 ازاماتتىڭ جەكە كۋالىگى، 21 ەڭبەك جانە 57 چەكتىك كىتاپشالار تابىلعان.

ق ر «حالىقتى جۇمىسپەن قامتۋ» زاڭىنىڭ ورىندالۋ ءۇشىن بولىنگەن قاراجاتتى قىلمىستىق توپ ءوز پايدالارارىنا جۇمساۋ ءۇشىن ۇرلاپ وتىرعان. ازىرگە توپتىڭ بەس ادامنان تۇراتىنى انىقتالدى. قازىرگە دەيىن كەلتىرىلگەن شىعىن كولەمى 5,5 ميلليون تەڭگە دەپ باعالانۋدا.