قىلمىس سەركەسىن قۇدايىنداي كورەتىندەر ونىڭ قولىن قۇشىرلانا ءسۇيدى - ۆيدەو

استانا. قازاقپارات - يتاليادا مافيا سەركەسىن قۇرىقتاۋ كەزىندە ونىڭ قولىن سۇيە باستاعاندار جۇرتتىڭ اشۋىن كەلتىردى.

بۇل تۋرالى NUR. KZ پورتالى segodnya.ua سايتىنا سىلتەمە جاساپ حابارلايدى.

56 جاستاعى دجۋزەپپە دجوردجي ەسىمدى مافيا سەركەسىنە حالىقارالىق ەسىرتكى ساۋداسىن جۇرگىزىپ، قىلمىستىق توپ قۇردى دەگەن ايىپ تاعىلعان.

قىلمىس باسشىسىن قۇرىقتاۋ كەزىندە تابىنۋشىلارىن دجۋزەپپەگە جاقىنداتقان پوليتسەيلەر سىننىڭ استىندا قالدى. قىلمىس سەركەسىن قۇدايىنداي كورەتىندەر، ءتىپتى ونىڭ قولىن سۇيە العان. پوليتسەيلەر بولسا، كەلۋشىلەر تاراپىنان مۇنداي ارەكەتتى ەش كۇتپەگەنىن العا تارتۋدا.

سوت دجۋزەپپەنى 29 جىلعا باس بوستاندىعىنان ايىردى.