قازاقستاننىڭ جەمىس- جيدەك ونىمدەرىن رەسەي كەرى قايتارىپ جىبەردى

استانا. قازاقپارات - قازاقستان مەن قىرعىزستاننان زاڭسىز تاسىمالدانعان 300 تونناعا جۋىق كارانتينگە جاتقىزىلعان ءونىم رەسەي فەدەراتسياسىنىڭ نوۆوءسىبىر وبلىسى اۋماعىنا وتكىزىلمەدى، دەپ حابارلايدى رەسەيدىڭ مال دارىگەرلىك جانە فيتوسانيتارلىق باقىلاۋ جونىندەگى فەدەرالدى قىزمەتى.

رەسەي اۋىل شارۋاشىلىعى باقىلاۋ باسقارماسىنىڭ مالىمەتىنشە، قازاقستاننان جانە قىرعىزستاننان شىققان اۆتوكولىكتەر 70 تونناعا جۋىق شيە، 90 توننا سارى ورىك، 58 توننا قىزاناق، 20 توننا كۇرىش قابىعى جانە 3 توننا قىزىلشانى زاڭسىز جولمەن نوۆوءسىبىر وبلىسىنىڭ اۋماعىنا وتكىزبەكشى بولعان. كارانتيالىق فيتوسانيتارلىق باقىلاۋ بارىسىندا ونىمدەردىڭ ورامالارىندا ءونىمنىڭ اتاۋى، وندىرگەن ەلى، ەكسپورتتاۋشى جانە/نەمەسە رەەكسپورتتاۋشى جايلى اقپارات بەرەتىن تاڭبالارىنىڭ جوقتىعى انىقتالدى. ال كۇرىش قابىقتارى جارامسىز فيتوسانيتارلىق سەرتيفيكاتپەن تاسىمالدانعان. جۇكتەر قازاقستان جانە قىرعىزستان رەسپۋبليكالارىنا قايتارىلدى.