ق ح ر- داعى قازاقستاننىڭ كونسۋلدىق مەكەمەلەرى كۇشەيتىلگەن جۇمىس رەجيمىنە كوشتى
بۇل تۋرالى بەيجىڭدە وتكەن II قازاقستان- قىتاي تۋريستەر فورۋمى بارىسىندا قازاقستاننىڭ قىتايداعى ەلشىسى شاحرات نۇرىشوۆ ايتتى، دەپ حابارلايدى «قازاقپارات» ح ا ا ءتىلشىسى.
«2015 -جىلى جەلتوقسان ايىندا قازاقستان مەن قىتاي اراسىندا مەموراندۋمعا قول قويىلدى. ول كەلىسىمدە قىتاي ازاماتتارىنىڭ ەلىمىزگە توپتىق تۋريستىك ساياحاتتارىن جەڭىلدەتۋ ماسەلەسى قامتىلعان بولاتىن. قازاقستانعا ساياحات جاساۋعا تىلەك بىلدىرگەن قىتايلىقتار ءۇشىن ۆيزالىق قولداۋلار بار بولعان كەزدە قازاقستاننىڭ كونسۋلدىق قىزمەتتەرى بەس جۇمىس كۇنى ىشىندە ۆيزانى راسىمدەپ بەرەدى. ەگەر جەدەل تاريف بويىنشا تولەم جاسالسا، وندا ۆيزا 3 جۇمىس كۇنىندە دايىن بولادى»، - دەدى قازاقستاننىڭ قىتايداعى ەلشىسى.
ش. نۇرىشوۆ قازاقستان ەلشىلىگىندە ەكسپو كورمەسىنە باراتىن قىتايلىق ازاماتتاردى تىركەپ جانە ولاردىڭ قۇجاتتارىن وڭدەيتىن قوسىمشا تەرەزەلەر اشىلعاندىعىن جانە ولاردىڭ جۇمىس ىستەۋ ۋاقىتى ۇزارتىلعاندىعىن اتاپ ءوتتى.
