قازاقستانعا رەسەيدەن جاڭا اتموسفەرالىق اۋا اعىنى كەلە جاتىر

استانا. قازاقپارات - قازاقستانعا رەسەيدىڭ ەۋروپالىق بولىگىندەگى ورتالىق اۋدانداردان جاڭا اتموسفەرالىق اۋا اعىنى كەلە جاتىر.

اۋا اعىندارىنىڭ رەسپۋبليكا اۋماعىنان ءجيى ءارى تەز اۋىسۋى تروپوسفەرادا جينالعان باتىس-شىعىسقا اۋىساتىن انتلانت ىلعالدى اۋا ماسسالارىمەن بايلانىستى، دەپ حابارلايدى «قازگيدرومەت» ر م ك باسپا ءسوز قىزمەتى.

سوندىقتان الداعى ءۇش تاۋلىكتە كوپتەگەن وبلىستاردا جاڭبىر جاۋىپ، نايزاعاي وينايدى، كەي جەرلەردە بۇرشاق تۇسەدى جانە قاتتى جەل تۇرادى.

وڭتۇستىك پەن شىعىستاعى تاۋلى اۋدانداردا قاتتى جاڭبىر جاۋۋى مۇمكىن. اۋا تەمپەراتۋراسى كليماتتىق نورمادان تومەن بولۋى ىقتيمال.

استانا قالاسىنا ارنالعان كونسۋلتاتيۆتىك اۋا رايى بولجامى. 6- ماۋسىم: كۇن الا بۇلتتى، كۇندىز وتكىنشى جاڭبىر جاۋىپ، بۇرشاق ءتۇسۋى مۇمكىن. شىعىستان سوققان جەل سولتۇستىك-باتىسقا قاراي اۋىسىپ، ونىڭ ەكپىنى 9-14 م/س- قا جەتەدى. اۋا تەمپەراتۋراسى تۇندە +7+9°س، كۇندىز +19+21°س.

7- ماۋسىم: كۇن الابۇلتتى، جاۋىن-شاشىنسىز بولادى. سولتۇستىك باتىس، باتىستان سوققان جەلدىڭ ەكپىنى 9-14 م/س قا جەتەدى.