حالىقارالىق «مەن قازاقپىن» بايقاۋى باستالدى

استانا. قازاقپارات - «مەن قازاقپىن» اتتى حالىقارالىق مەگاجوبانىڭ اياسىندا الماتى جانە ماڭعىستاۋ وبلىستارىندا ىرىكتەۋ شارالارى باستالدى. بايقاۋدىڭ نەگىزگى ماقساتى - قازاق حالقىنىڭ ءتول ونەرى، سونىڭ ىشىندە جىر- تەرمەلەر مەن كۇيلەردى بۇگىنگى زامان تالابىنا ساي جاڭارتىپ، وسكەلەڭ ۇرپاققا جەتكىزۋ،

 دەپ حابارلايدى قازاقپارات ءتىلشىسى.

 جوبا اياسىندا ارنايى توپ ءاربىر وبلىستى ارالاپ، قاتىسۋشىلاردى ىرىكتەيدى. ودان وتكەندەر تەلەۆيزيالىق بايقاۋعا جولداما الادى. قاتىسۋشىلاردىڭ جاس ەرەكشەلىگى - 18 بەن 40 جاس ارالىعى. سونداي- اق ساحناعا شىعاتىن ونەرپازداردىڭ كيىمى قازاقى ۇلگىدە ءارى بۇگىنگى زامان تالابىنا ساي بولۋى ءتيىس.

«بۇگىن الماتىداعى ىرىكتەۋ تۋرلارى ساعات 11:00-دە «الاتاۋ» ءداستۇرلى ونەر ورتالىعىندا باستالادى. ال اقتاۋدا ساعات 14:00-دە مادەنيەت سارايىندا وتەدى»، - دەدى «قازاقستان» ر ت ر ك پروديۋسسەرى قۋانىش سۇلتان ۇلى قازاقپارات تىلشىسىنە بەرگەن سۇحباتىندا.

 جوباعا قازاقستان ازاماتتارىنان بولەك، رەسەي، قىتاي مەن موڭعوليا جەرىندە تۇراتىن قانداستارىمىز دا قاتىسا الادى. اتاپ ايتقاندا، التاي رەسپۋبليكاسىنىڭ قوساعاش اۋدانىندا ىرىكتەۋ تۋرلارى وتكىزىلەدى. بۇدان بولەك، بايان- ولگەي مەن شىڭجاڭ- ۇيعىر اۆتونوميالىق ولكەسىندە ىرىكتەۋلەر ۇيىمداستىرىلادى. ول جاقتاعى شارالار شىلدە ايىندا باستالادى.

ايتا كەتەيىك، وتكەن ايدا «مەن قازاقپىن» حالىقارالىق بايقاۋىنا ارنالعان باسپا ءسوز ءماسليحاتى ۇيىمداستىرىلعان بولاتىن. سول جەردە ۇيىمداستىرۋشىلارى بايقاۋدىڭ العاشقى ىرىكتەۋ تۋرلارىنىڭ 5 - ماۋسىمدا باستالاتىنىن جاريالاعان.

وسىدان كەيىن كورەرمەن قاۋىم بايقاۋدىڭ كۇندەلىگى مەن نەگىزگى كونكۋرسىن تەلەديداردان كورە الادى. جەڭىمپازدار «جىلدىڭ ەڭ ۇزدىك ءداستۇرلى ءانشىسى»، «جىلدىڭ ەڭ ۇزدىك تەرمەشىسى» جانە «جىلدىڭ ەڭ ۇزدىك كۇيشىسى» اتالىمدارى بويىنشا ماراپاتتالادى.

 «ەلباسى رۋحاني جاڭعىرۋ جونىندەگى جالپىۇلتتىق يدەيانى جاريالاعاندا جاڭعىرۋ ۇدەرىسى مىندەتتى تۇردە ەلدىڭ ۇلتتىق رۋحاني تامىرىنان ءنار الۋى ءتيىس ەكەنىن اتاپ وتكەن بولاتىن. ءبىزدىڭ رۋحاني تامىرىمىز - اتا- بابادان ميراس بولىپ قالعان سالتىمىز، ءتىلىمىز بەن مۋزىكامىز، ادەبيەتىمىز دەسەك، سونىڭ ىشىندە ءداستۇرلى انشىلىك، كۇيشىلىك جانە تەرمەشىلىك ونەردىڭ ورنى ەرەكشە. وسى بىرەگەي ونەردى لايىقتى دارىپتەۋ - ەلدىك، بىرلىك يدەياسىن ىسكە اسىرۋدىڭ اسا ۇتىمدى قۇرالى. وسىنى ەسكەرە وتىرىپ، ءبىز، مينيسترلىك پەن «قازاقستان» ۇلتتىق ارناسى، «مەن قازاقپىن» اتتى تەليەۆيزيالىق مەگاجوبانى ۇسىنىپ وتىرمىز. جوبانىڭ ماقساتى - ءداستۇرلى ءانشى، تەرمەشى مەن كۇيشىلەرىمىزدى، ەلىمىزدىڭ ءاربىر ايماعىندا قالىپتاسقان ونەر مەكتەبىنىڭ وكىلدەرىن كەڭىنەن دارىپتەۋ، تاڭداۋلى تۋىندىلاردى وسكەلەڭ ۇرپاققا زاماناۋي فورماتتا ناسيحاتتاۋ» ، - دەيدى ق ر اقپارات جانە كوممۋنيكاتسيالار ءمينيسترى داۋرەن ابايەۆ.

اۆتور: ارمان اسقاروۆ