اپاتتار كەزىندە شۇعىل شاقىرۋ جۇيەسى ىسكە قوسىلادى
«اۆاريالار مەن اپاتتار كەزىندە شۇعىل شاقىرۋ جۇيەسى (ا ا ش ش) جول- كولىك وقيعاسى نەمەسە باسقا دا توتەنشە جاعداي تۋرالى قۇتقارۋ قىزمەتتەرىن اقپاراتتاندىرۋ ۋاقىتىن قىسقارتۋ ءۇشىن ارنالعان. وسى جۇيەنىڭ ارقاسىندا زارداپ شەگۋشىلەرگە العاشقى كومەك «التىن ۋاقىت» ارالىعىندا كورسەتىلەدى. بۇل ءوز كەزەگىندە جولداردا ءولىم- ءجىتىمدى ايتارلىقتاي ازايتۋعا مۇمكىندىك بەرەدى. جوبا بويىنشا ا ا ش ش جۇيەسىنىڭ مالىمەتتەردى وڭدەۋ ورتالىقتارى ءۇشىن باعدارلامالىق قامتاماسىز ەتۋ ازىرلەندى»، - دەدى مينيستر.
ونىڭ سوزىنە قاراعاندا، بارلىق وڭىرلەردەگى توتەنشە جاعدايلار دەپارتامەنتتەرىندە جۇيە وپەراتورلارىنا اۆتوماتتاندىرىلعان جۇمىس ورىندارى جاساقتالدى.
« قازاقستاننىڭ كەدەن وداعى اياسىندا مىندەتتەمەلەرىمەن كورسەتىلگەندەي، جۇيە قاناتقاقتى رەجىمدە 2017 -جىلدىڭ 1 - قاڭتارىنان باستاپ قىزمەت ەتۋدە. اۆاريالار مەن اپاتتار كەزىندە شۇعىل شاقىرۋ جۇيەسىن قۇرۋ شارالارى جالعاسۋدا جانە بۇل باعىتتاعى جۇمىستار الداعى جىلى اياقتالادى»، - دەپ تۇيىندەدى ءسوزىن اتامقۇلوۆ.
اۆتور: رۋسلان عابباسوۆ
