قورعاستاعى ادام ولىمىنە بايلانىستى قىلمىستىق ءىس قوزعالدى
«ق ر ق ك- ءنىڭ 99-بابىنىڭ 1-تارماعىنا سايكەس قىلمىستىق ءىس قوزعالدى. كۇدىكتى ازامات پانفيلوۆ اۋدانىنىڭ تۇرعىنى. سوتقا دەيىنگى تەرگەۋ جۇمىستارى جۇرگىزىلىپ جاتىر. ال 1992 -جىلعى ازامات جاركەنتتەگى اۋرۋحاناعا جەتكىزىلگەندە قايتىس بولعان»، دەدى الماتى وبلىستىق ءى ءى د باسپا ءسوز قىزمەتىنىڭ وكىلى ايمان مىرزەكوۆا.
بۇل وقيعا 4 - ماۋسىم كۇنى شامامەن ساعات 16:00-دە بولعان. ەكى ازامات اراسىنداعى كيكىلجىڭ بەينەباقىلاۋ كامەراسىنا ءتۇسىپ قالعان. قولىنا پىشاققا ۇقساس سۋىق قارۋ ۇستاعان جىگىت كەلەسى ادامنىڭ كەۋدە تۇسىنا سۇعىپ العانى انىق كورىنەدى. قانسىراپ، قۇلاپ قالعان ازاماتتى جانىنداعىلار قاۋمالاپ، الىپ كەتەدى. جانە بۇل بەينەجازبا الەۋمەتتىك جەلى ارقىلى تارالدى. قايتىس بولعان جىگىت تە پانفيلوۆ اۋدانىنىڭ تۇرعىنى. وبلىستىق ءى ءى د باسپا ءسوز قىزمەتىنىڭ وكىلدەرى اتالعان قايعىلى جاعداي قورعاس شەكارا ماڭى اۋماعىندا بولعانىن راستادى.
اۆتور: سامال قابىشيەۆا
