اس سوداسىنىڭ پايداسى قانداي؟

 ەندەشە سىزدەرگە اس سوداسىنىڭ قانداي پايداسى بار ايتا وتىرايىق!

*ەگەر تاماعىڭىز مازالاپ، قىشىسا، ىسسى سۋدا ەرىگەن اس سوداسىن ورامالمەن تاماعىڭىزعا باسساڭىز پايداسى مول. تاماعىڭىزدىڭ قىشىعانىن كەتىرىپ ءارى ميكروبتان تازارتادى، قاقىرىقتىڭ تۇسۋىنە كومەكتەسەدى.

-جۇرەگىندە ماسەلەسى بار جاندار دا اس سوداسىنا جۇگىنسە بولادى. ەگەر جۇرەگىڭىزدىن سوعىسى تىم ءجيى بولسا، ازداعان اس سوداسىنىڭ ەرىتىندىسىن قابىلداسا، جۇرەك سوعىسىنىڭ قالىپقا كەلۋىنە ىقپال ەتەدى.

سونىمەن قاتار، ءسىزدى گيپەرتونيا اۋرۋى مازالاسا دا اس سوداسى جاقسى كومەكتەسەدى. ول اعزاداعى ارتىق نارسەلەردى شىعارىپ، قان قىسىمىنىڭ ورنىعۋىنا جاعداي جاسايدى.

* اس سوداسىنىڭ از مولشەردەگى ەرىتىندىسى ءار ءتۇرلى سۋىق تيۋدە پايداسىن تيگىزەدى. ماسەلەن، كونيۋنكتيۆيت كەزىندە، اياقتىڭ ءتۇرلى ماسەلەلەرىندە (اياقتا ساڭىراۋقۇلاقتار پايدا بولۋىندا، تىزە جانە وكشە تەرىسىنىڭ قاتپارلانۋىندا) اس سوداسىنىڭ ەرىتىندىسىمەن سۇرتسە پايداسى مول.

*اس سوداسى ۆانناسىن قابىلداۋ دا تەرىگە وتە پايدالى. ول ءۇشىن سۋ تولتىرىلعان ۆانناعا 3 اس قاسىق اس سوداسىن ارالاستىرىپ، 10-15 مينۋت قابىلداساڭىز جەتكىلىكتى. ناتيجەسىندە قان اينالىمى جاقسارىپ، تەرىڭىز جۇمسارا تۇسەدى. سونداي- اق، تەرىدە بولاتىن ءار ءتۇرلى بورتپەلەردەن، ينفەكتسيالاردان تازارتادى.

* حالىق مەديتسيناسىندا اس سوداسىن ءتۇرلى جاندىكتەردىڭ شاعۋىنان كەيىنگى جاراقاتتاردى ەمدەۋ دە كەزدەسەدى. ارا نەمەسە ماسا شاققان ورىندا اس سوداسىمەن سۇرتسە، تەز جازىلۋىنا كومەكتەسەدى.

* ەگەر مارجانداي، جىلتىراعان ءتىستىڭ يەسى بولامىن دەسەڭىز، تاعى دا، اس سوداسى سىزگە كومەككە كەلەدى. ول ءۇشىن ايىنا 2-3 رەت اس سوداسىن ءتىس پاستاڭىزعا قوسىپ جۋىپ تۇرساڭىز، تىستەرىڭىز اپپاق، مارجانداي بولادى. تىستەردىڭ ءتۇبىنىڭ بەرىك بولۋىنا دا كومەگىن تيگىزەدى.

* سونىمەن قاتار، كوپشىلىگىڭىزگە تانىس، اسقازان قىجىلى كەزىندە اس سوداسىنىڭ ەرىتىندىسىن ءىشۋ. مۇنى بىرنەشە جىلدان بەرى ەستىپ ءجۇرمىز. الايدا، دارىگەرلەردىڭ ايتۋى بويىنشا، اس سوداسىن ىشكەندە كەيبىر ادامداردا كەرى اسەر بەرىپ جاتادى. مۇنداي جاعدايدا اس سوداسىن قابىلداۋ دۇرىس ەمەس. تەك قانا دارىگەردىڭ كەڭەسى ارقىلى عانا ەم جاساعانىڭىز ءجون!