استاناداعى فەستيۆالدە بيە سۇتىنەن جاسالعان بالمۇزداق ۇسىنىلدى

استانا. قازاقپارات - حالىقارالىق بالالار كۇنىنە ارنالعان «اراي» ەلوردالىق ساياباعىندا بالمۇزداق فەستيۆالى ءوتتى، دەپ حابارلايدى استانا قالاسى اكىمدىگىنىڭ سايتى.

 شارانى «Kazbrands»قوعامدىق قورى «بايتاق بولاشاق» ەكولوگيالىق اليانسىمەن بىرلەسىپ، استانا اكىمدىگىنىڭ قولداۋىمەن ۇيىمداستىردى. شاراعا «گورمولزاۆود كوكشەتاۋ»، «ەميل»، «شين- لاين»، «دەپ. قوستاناي»، «Icemaster»، سونداي- اق رەسەيلىك، پولشا، يتالياندىق ماركالى بالمۇزداق وندىرۋشىلەرى قاتىستى. فەستيۆال اياسىندا ەلوردا تۇرعىندارى مەن قوناقتارىنا «ءتاتتىقۇمارلار پاتشالىعى» مادەني- ساۋىقتىرۋ باعدارلاماسى ۇسىنىلدى.

وندا كورەرمەندەر انيماتورلاردىڭ، ارتىستەردىڭ ونەرىن تاماشالاپ، بالالار اتتراكتسيونداردا ويناپ، ەرەسەكتەرگە جانۇيالىق بي كەشى ۇيىمداستىرىلدى. ارنايى فەستيۆال ءۇشىن بيە سۇتىنەن جاسالعان بالمۇزداق ۇسىنىلدى.

بۇل «KAZBRANDS» قوعامدىق قورىنان «بالمۇزداق- برەند-2017» نوميناتسياسىن العان جانە استانا قالاسى اكىمىنىڭ ديپلومىمەن ماراپاتتالعان ت. شارمانوۆ اتىنداعى قازاق تاماقتانۋ اكادەمياسىنىڭ زەرتحاناسىندا جاسالعان بالمۇزداق، - دەيدى شارانى ۇيىمداستىرۋشىلار. بالالار ءۇيى مەن ينتەرناتتارىنىڭ، از قامتىلعان وتباسىلارىنىڭ بالالارىنا ەرەكشە كوڭىل ءبولىنىپ، ولارعا بالمۇزداقتار تەگىن تاراتىلدى، سىيلىقتار بەرىلدى.