جاپونيادا ادامداردىڭ كەلبەتىن انىقتايتىن جۇيە پايدا بولدى

استانا. قازاقپارات - جاپونيا استاناسى توكيو ىرگەسىندە ءوتىپ جاتقان حالىقارالىق كورمەدە جەرگىلىكتى ونەرتاپقىشتار وسىنداي تەحنولوگيانى كوپشىلىككە كورسەتتى،

دەپ حابارلايدى حابار 24 تەلەارناسى.

بۇل جۇيە ەل كوپ جينالاتىن شارالاردا قاۋىپسىزدىكتى قامتاماسىز ەتۋگە ءوز سەپتىگىن تيگىزۋى ءتيىس. ياعني كەلۋشىنىڭ بەت- بەينەسىن بيلەتتى برونداۋ كەزىندە جۇكتەلگەن سۋرەتپەن سالىستىرادى. قاۋىپتى جاعدايلاردىڭ الدىن الۋدان بولەك تەحنولوگيا، سونداي- اق الىپساتارلار ماسەلەسىن دە شەشۋگە كومەگىن تيگىزەدى. ونىڭ ۇستىنە كەلۋشىلەر مەن ولاردىڭ بيلەتىن تەكسەرۋ ۋاقىتىن دا ايتارلىقتاي قىسقارتادى.

 «ءبىزدىڭ قولىمىزدا اۋقىمدى شاراعا جيىلعان ادامداردىڭ بارلىعى جايلى مالىمەت بولادى. وسىلايشا، كەلۋشىلەر ءوزىنىڭ اماندىعى ءۇشىن ەش الاڭداماي، سۇيىكتى كونسەرتىن، نە سپورتتىق ويىنىن تاماشالاي الادى»، - دەيدى Tapirs Co كومپانياسىنىڭ اتقارۋشى ديرەكتورى تاكااكي كوميساۆا.