ەلوردادا «استانا تۋرالى مونولوگتار» جوباسى باستاۋ الدى - كەسكىن

استانا. قازاقپارات - «استانا تۋرالى مونولوگتار» جوباسى باستالدى، وعان قازاقستاننىڭ باس قالاسىنا ارنالعان ۆيدەو سيۋجەتتەر تسيكلى ەنگىزىلگەن، دەپ حابارلايدى استانا قالاسى اكىمدىگىنىڭ سايتى.

قازاقستاندىق تانىمال مادەنيەت جانە سپورت قايراتكەرلەرى «مونولوگتار» ارقىلى استانا جايلى باياندايدى.

ولاردىڭ ومىرىندە ەلوردانىڭ ورنى قانداي، بۇل قالامەن بايلانىستىراتىن قانداي جارقىن ەستەلىكتەر بار، وسى جىلدار ىشىندە استانا قالاي كوركەيىپ جاتقانى تۋرالى كەڭىنەن اڭگىمەلەيدى.

ءتۇسىرىلىم جۇمىستارى استانانىڭ سيمۆولىنا اينالعان نىسانداردا جاسالىندى. ءار ۆيدەو سيۋجەتتە كەيىپكەردىڭ كورەرمەن بىلە بەرمەيتىن قىرلارى اشىلىپ، ەلوردانىڭ ەڭ كورىكتى جەرلەرى تانىستىرىلادى.

«استانا تۋرالى مونولوگتار» سيكلىن قالالىق اكىمدىكتىڭ شىعارماشىلىق توبى دايىندادى.