استاناداعى شوقان ءۋاليحانوۆتىڭ سۋرەتىندە كەتكەن ورەسكەل قاتە جۇرتتى دۇرلىكتىردى - فوتو
ونداعى مالىمەتتەرگە سايكەس، شوقان ءۋاليحانوۆ 130 جىل ءومىر ءسۇرىپتى دەپ حابارلايدى NUR. KZ.
استانالىقتار مەن شەتەلدىكتەرگە قازاقستاننىڭ تاريحي تۇلعالارى تۋرالى اقپارات بەرمەك بولعاندار قالا بويىنشا قازاق اقىندارى، عالىمدارى مەن جازۋشىلارى تۋرالى پلاكاتتار ىلگەن.
تانىمال تۇلعالاردىڭ سۋرەتىنىڭ استىندا ولاردىڭ ءومىر سۇرگەن جىلدارى دا جازىلىپتى. بىردەن ءۇش تۇلدە جازىلعان بۇل پلاكاتتاردا ورەسكەل قاتەلەر كەتكەن.
ماسەلەن، ەكسپو الاڭىنا جاقىن ماڭدا ىلىنگەن پلاكاتتا، شوقان ءۋاليحانوۆتى 130 جىل ءومىر سۇرگىزىپ قويىپتى (1835 -1965).
«ءبىر عاسىردان استام ءومىر ءسۇرىپ، دانتەسپەن دۋەلدە قازا بولعان»، «ول ەكىنشى دۇنيەجۇزىلىك سوعىسقا دا قاتىسىپ ۇلگەرىپتى عوي»، - دەپ بۇل جايتتى ازىلگە اينالدىردى تۇرعىندار.
«جىلدى قويا بەرشى، اعىلشىنشا اۋدارماسى اقساپ تۇر. ءتىپتى «folklore» دەپ جازىپ قويىپتى. نەندەي فولكلور؟ فولكلور- ادام با؟»، - دەيدى almat_kuan ەسىمىمەن تىركەلگەن جەلى قولدانۋىشىسى.
بۇل جىبەرىلگەن جالعىز قاتەلىك ەمەس. تاعى ءبىر استانالىق ايالدامادا تانىمال ورىس جازۋشىسى «الەكسەندەر پۋشكيننىڭ» تۋىندىلارىن وقۋدى ۇسىنعان.
