ساعىنتايەۆ پەن تۇركەش قازاقستاننىڭ تۋريستىك ينفراقۇرىلىمىن دامىتۋ ماسەلەلەرىن تالقىلادى
تاراپتار كەزدەسۋ بارىسىندا ەكى ەلدىڭ ساۋدا- ەكونوميكالىق جانە ينۆەستيتسيالىق سالالارداعى ىنتىماقتاستىعىن ودان ءارى دامىتۋ ماسەلەلەرىن تالقىلادى. سونداي- اق، قازاقستاندا تۇركيامەن بىرلەسكەن يندۋستريالىق ايماقتاردى قۇرۋدى جالعاستىرۋ، قازاقستاندىق استىقتى تۇركياعا جەتكىزۋ كولەمىن ۇلعايتۋ، ترانزيتتىك كولىك دالىزدەرىن كەڭەيتۋ مەن جەتىلدىرۋ، سونىمەن قاتار، تۇرىك ينۆەستورلارىنىڭ قازاقستاننىڭ تۋريستىك ينفراقۇرىلىمىن دامىتۋعا قاتىسۋى جونىندەگى ماسەلەلەر قارالدى.
بۇدان وزگە، كەزدەسۋ بارىسىندا 2015 -جىلى مەملەكەت باسشىسى ن. نازاربايەۆ پەن تۇركيا پرەزيدەنتى ر. ەردوعان قول قويعان «جاڭا سينەرگيا» بىرلەسكەن ەكونوميكالىق باعدارلاماسىن ىسكە اسىرۋ بارىسى قارالدى.
كەزدەسۋدىڭ سوڭىندا بيىل تامىز ايىندا وتكىزىلەتىن قازاقستان- تۇركيا ۇكىمەتارالىق ەكونوميكالىق كوميسسياسىنىڭ 10-وتىرىسىن وتكىزۋ ماسەلەلەرى قارالدى.
