تۇران جولبارىسى مەن قۇلان قىزىل كىتاپقا قايتا ەنۋى مۇمكىن
دەپ حابارلايدى «قازاقپارات» ح ا ا ءتىلشىسى.
بۇل تۋرالى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىنداQazaqGeography «بيوالۋان تۇرلىك» تاقىرىپتىق كەڭەسىنىڭ ۆيتسە- پرەزيدەنتى، قازاقستان بيوالۋان تۇرلىكتى ساقتاۋ قاۋىمداستىعىنىڭ ديرەكتورىنىڭ ورىنباسارى سەرگەي سكليارەنكو ءمالىم ەتتى.
«تۇران جولبارىسىن قىزىل كىتاپقا ەنگىزۋ بويىنشا ەداۋىر جۇمىستار جۇرگىزىلدى. مۇنىڭ قاجەتى نەدە دەسەڭىز، مەملەكەت سيرەك نەمەسە جوعالىپ كەتۋ قاۋپى بار تۇرلەردى قالپىنا كەلتىرۋگە قاراجات جۇمساي الادى. ءبىراق، ءدال قازىرگى ۋاقىتتا جولبارىس تا، پرجيەۆالسكي جىلقىسى (قۇلان) دا قىزىل كىتاپ تىزىمىندە جوق. ياعني، بۇل تۇرلەر جەرىمىزدەن جوعالىپ كەتكەن جانە ولارمەن جۇمىس ىستەۋگە، مەملەكەتتىڭ قارجىسىن قۇيۋعا ەش نەگىز جوق، - دەپ اتاپ ءوتتى سەرگەي سكليارەنكو.
- وسىعان بايلانىستى سەرىكتەستەرىمىز «قازاقستان بيوالۋانتۇرلىلىكتى ساقتاۋ قاۋىمداستىعى» ر ق ب، ورمان شارۋاشىلىعى جانە جانۋارلار دۇنيەسى كوميتەتىمەن بىرلەسىپ، جويىلىپ كەتكەن تۇرلەردى قازاقستاننىڭ قىزىل كىتابىنا ەنگىزۋ جونىندە قازاقستان رەسپۋبليكاسىنىڭ «ەرەكشە قورعالاتىن تابيعي اۋماقتار تۋرالى» زاڭىنا تۇزەتۋلەر ازىرلەندى» .
سەرگەي سكليارەنكونىڭ ايتۋىنشا، قۇرامىندا اۋقىمدى زاڭدار جيىنتىعى بار بۇل تۇجىرىمدامالار پارلامەنت ماجىلىسىنە ءوتتى. سايكەس تۇزەتۋلەرى بار زاڭ قازىرگى ۋاقىتتا قر پارلامەنتىنىڭ سەناتىندا جاتىر. وسىدان كەيىن عانا اۋىل شارۋاشىلىعى مينيسترلىگى زاڭعا تاۋەلدى ءنورماتيۆتى اكتىلەرگە سايكەس تۇزەتۋلەر ەنگىزە الادى. سونداي- اق، بۇل تۇرلەر قىزىل كىتاپقا، ياعني سيرەك نەمەسە جوعالىپ كەتۋ قاۋپى بار تۇرلەر تىزىمىنە ەنگەن سوڭ، حالىقارالىق دونورلاردىڭ قاراجاتىن قازاقستانعا تارتۋعا جول اشىلادى. سەبەبى، جولبارىس پەن پرجيەۆالسكي جىلقىسىن قالپىنا كەلتىرۋگە حالىقارالىق ينۆەستيتسيا تارتۋدىڭ باستى شارتى - ولاردى اتالعان تىزىمگە ەنگىزۋ.
سونىمەن بىرگە، ۇلتتىق گەوگرافيالىق قوعام وكىلى پرجيەۆالسكي جىلقىسىن (قۇلان) قازاقستانعا قايتا جەرسىندىرۋگە دايىندىق جۇمىستارىن جۇرگىزىپ جاتقاندارىن، ورتالىق قازاقستاندا جەرسىندىرۋ ورتالىعى قۇرىلاتىنىن حابارلادى.
«بۇل ءبىر كەزدەرى ەلىمىزدىڭ اۋماعىندا ءومىر سۇرگەن جىلقىلاردىڭ تاماشا ءتۇرى. ءقازىر ولاردى قالپىنا كەلتىرۋ جۇمىستارى قولعا الىنىپ، ارنايى باعدارلاما ازىرلەندى. قازاقستان بيوالۋانتۇرلىلىكتى ساقتاۋ قاۋىمداستىعىمەن بىرلەسىپ، ورتالىق قازاقستاندا قايتا جەرسىندىرۋ ورتالىعىن قۇرۋ بويىنشا جانە التىنەمەل ۇلتتىق پاركىندە كوبەيىپ كەلە جاتقان ونعا جۋىق پرجيەۆالسكيي جىلقىلارىنىڭ پوپۋلياتسياسى بويىنشا دايىندىق جۇمىستارى جۇرگىزىلدى»، - دەدى س. سكليارەنكو.
ايتا كەتەيىك، بۇگىن ورتالىق كوممۋنيكاتسيالار قىزمەتىندە «قازاق ۇلتتىق گەوگرافيالىق قوعامى» (QazaqGeography) رەسپۋبليكالىق قوعامدىق بىرلەستىگىنىڭ بريفينگى ءوتتى. وندا قوعامدىق بىرلەستىكتىڭ وتكەن جىلى اتقارعان جۇمىستارى قورىتىندىلانىپ، 2017 -جىلعا ارنالعان جوسپارى جاريالاندى.
اۆتور: ايجان سەرىكجان قىزى
