الماتىدا پوليتسيا پولكوۆنيگى قىلمىستىق توپپەن بايلانىستا بولعان

الماتى. قازاقپارات - الماتىدا ق ر ءى ءى م مەن ۇ ق ك جۇرگىزگەن ارنايى وپەراتسيا كەزىندە ارنايى بولىمشە ساربازى جارالاندى.

بۇل تۋرالى قازاقپارات تىلشىسىنە قالالىق پروكۋراراتۋرادان حابارلادى. باسپا ءسوز قىزمەتىنىڭ مالىمەتىنە قاراعاندا، كۇدىكتىلەردى ۇستاۋ كەزىندە ولاردىڭ ەكەۋى قارسىلىق كورسەتكەن.

ولار ارنايى بولىمشە كولىگىن سوعىپ، قىزمەتكەرلەردى اتقىلادى.

ايتا كەتۋ كەرەك، 30- مامىردا ۇلتتىق قاۋىپسىزدىك كوميتەتى جانە ىشكى ىستەر مينيسترلىگى الماتىدا ارنايى وپەراتسيا جۇرگىزگەن بولاتىن. «29- مامىردان 30 نا قاراعان ءتۇنى الماتىدا ۇلتتىق قاۋىپسىزدىك كوميتەتى ىشكى ىستەر مينيسترلىگىمەن بىرلەسىپ كاسىپكەرلەردەن اقشا بوپسالاۋ، ق ر مەن ق ح ر مەملەكەتتىك شەكاراسى ارقىلى كونتراباندا كانالدارىن ۇيىمداستىرۋ جانە ادام ۇرلاۋ، تاپسىرىسپەن ادام ءولتىرۋدى قوسا العاندا، باسقا دا قىلمىستارمەن اينالىسقان ۇيىمداسقان قىلمىستىق توپتىڭ جولىن كەسۋ ءۇشىن ارنايى وپەراتسيا جۇرگىزدى»، - دەپ مالىمدەدى ق ر ۇ ق ك باسپا ءسوز قىزمەتىنەن.

جەدەل ىزدەستىرۋ شارالارى كەزىندە قىلمىستىق توپتىڭ كوشباسشىلارى مەن بەلسەندى مۇشەلەرى ۇستالدى. ولاردان كوپتەگەن قارۋ مەن وق-ءدارى تاركىلەندى. بۇعان قوسا، ولارمەن بىرگە الماتى قالاسى ءى ءى د اۋەزوۆ اۋدانى ءى ءى ب بۇرىنعى باسشىسى، پوليتسيا پولكوۆنيگى ب. قاسابەكوۆ قولعا ءتۇستى.

ۇ ق ك مالىمەتىنشە، ونىڭ اتالعان قىلمىستىق توپتىڭ كوشباسشىلارىمەن بايلانىسى بولعان.