پۋتيننىڭ باسپا ءسوز حاتشىسىنىڭ قىزى اكەسىن «ەلدىڭ باستى ميللياردەرى ءارى ۇرلىقشىسى» دەپ اتادى
ول ءوز اكەسى «ەلدىڭ باستى ميللياردەرى ءارى ۇرلىقشىسى» ەكەنىن ايتقان دەپ حابارلايدى NUR. KZ.
باسىنا ءتاج كيىپ، تاقتا وتىرعان فوتوسىن جاريا ەتكەن ەليزاۆەتا كەلەسى سوزدەردى جازعان.
«ارىم تىنىشتىق بەرمەي جاتىر. ەشبىر ياحتادا، سارايدا، دجەتتە كوز ىلە المادىم. ەشبىر ءۇي قىزمەتشىسى مەنىڭ كوڭىلىمدى اۋلاي المادى. شىندىقتى ايتار ۋاقىت كەلدى. مەن - پەسكوۆا ەليزاۆەتا دميتريەۆنا، ەلدىڭ باستى ميللياردەرى ءارى ۇرلىقشىسى اتانىپ وتىرعان پرەزيدەنتتىڭ باسپا ءسوز حاتشىسىنىڭ قىزىمىن.
بۇل ءوزىم جازىپ وتىرعان العاشقى جازبا. قالعاندارىن تاپسىرىسپەن مالايلارىم جازادى. ولارعا جالاقىسىن سەندەردىڭ قالتالارىڭنان تولەيمىن»، - دەيدى پەسكوۆتىڭ قىزى.
بويجەتكەن كىلەڭ قىمبات تاعامداردى «ەلدىڭ قالتاسىنان ۇرلانعان قاراجاتپەن» جەپ جاتقانىن دا ءسوز ەتكەن. ەليزاۆەتا ءوزىنىڭ دە ۇرلىقشى ەكەنىن مالىمدەدى.
«اكەم ەلدىڭ باستى ۇرلىقشىسى بولعاندىقتان، جولىم بولدى. ول مەنى ۇرلىق جاساۋ ونەرىنە جاقسىلاپ باۋلۋدا»، - دەيدى بويجەتكەن.
«ادامدار جۇمىس ىستەيدى دەپ ەستىگەنمىن، ءبىراق مالايلاردىڭ تىرلىگى مەن ءۇشىن مۇلدە تاڭسىق. ەشقاشان وقىعان ەمەسپىن، سەبەبى تابيعاتىمنان اقىماقپىن. بۇل ايتارلىقتاي قيىندىق تۋدىرمايدى. سەبەبى، ديپلومدى ماعان ساتىپ الىپ بەرەدى. بولماسا، حالىق اقشاسىنا مالاي ساتىپ الىپ-اق كۇن كورەمىن. بولاشاعىم جارقىن»، - دەپ ءتۇيدى ەليزاۆەتا.
