ساۋد ارابياسىنىڭ شىعىسىندا اۆتوموبيل جارىلدى

ابۋ-دابي. قازاقپارات - ساۋد ارابياسىنىڭ شىعىسىندا ورنالاسقان ەل-كاتيف قالاسىندا اۆتوموبيل جارىلدى.

ءتىلشىمىزدىڭ «ال ارابيا» تەلەارناسىنا سىلتەمە جاساپ حابارلاۋىنشا، جارىلىستىڭ سالدارىنان بەيسەنبى كۇنى تاڭ اتا ەكى ادام مەرت بولدى.

الدىن الا مالىمەتتەر بويىنشا، قۇربان بولعانداردىڭ ەكەۋى دە وسىعان دەيىن ەل-كاتيف قالاسىندا ساۋد ارابياسىنىڭ قاۋىپسىزدىك قىزمەتىنىڭ وكىلدەرىنە جاسالعان شابۋىلعا قاتىسى بولۋى مۇمكىن.

ساۋد ارابياسى كورولدىگىنىڭ شىعىس پروۆينتسياسىندا شەيىتتەر تۇرادى جانە ولاردىڭ سانى اسا كوپ ەمەس.

دۇيسەنبى كۇنى ءبىر توپ سودىرلار ەل-كاتيف وكرۋگىنە قارايتىن اۋىلداردىڭ بىرىندە كورولدىكتىڭ قاۋىپسىزدىك قىزمەتىنىڭ كولىگىنە شابۋىلدادى. شابۋىلدىڭ سالدارىنان جەدەل ارەكەت ەتۋ قىزمەتىنىڭ ءبىر وكىلى دەنە جاراقاتىن الدى.

جەرگىلىكتى بيلىك وكىلدەرى بولعان وقيعا بويىنشا تەرگەۋ جۇمىستارىن جۇرگىزىپ جاتىر.