استانانىڭ جاڭا ۆوكزالىنا العاشقى پويىزدار كەلە باستادى
اسا جايلى «سارى ارقا» ەلەكتر پويىزىمەن ەلورداسىنا العاشقى 200-دەن استام جولاۋشى كەلىپ جەتتى. پويىزدىڭ اعا جولسەرىگى لاۋرا جاركەنوۆانىڭ ايتۋىنشا، «ءبىز جولاۋشىلارعا پويىزدىڭ جاڭا ۆوكزالعا تۇراقتايتىندىعىن الدىن الا ايتتىق. شىندىعىن ايتۋ كەرەك، جاڭا ۆوكزالعا العاشقى بولىپ كەلەتىندىگىمىزگە قۋانعانىمىزبەن ءبىز قاتتى قوبالجىدىق. ەستە قالارلىقتاي تاريحي وقيعا بولدى».
جولسەرىكتىڭ ايتۋىنشا، «قاراعاندى - استانا» باعدارىنداعى جاڭا جىلجىمالى قۇرامىندا جولاۋشىلارعا بارلىق قولايلى جاعداي جاسالعان. ۆاگونداردا اۋا باپتاعىش، جولاۋشىلار اعىنىن تىركەپ، ساراپتاپ وتىرۋ ءۇشىن بەينە باقىلاۋ جۇيەسى ورناتىلعان».
ل. جاركەنوۆانىڭ ايتۋىنشا، جولاۋشىلار ەكولوگيالىق بيوتۋالەت كەشەنى، مۇمكىندىگى شەكتەۋلى جاندارعا ارنالعان كوتەرگىش قوندىرعىلارى دا بار. بالقاشتان كەلگەن جۇسىپوۆتەر وتباسى جاڭا ۆوكزالعا كەلىپ كىرگەندەرىنە قۋانىشتارىن جاسىرمادى.
«ءبىز استانادا جاڭا ۇلگىدەگى ۆوكزال سالىنىپ جاتقاندىعىن تەلەديداردان كورىپ، ەستىپ جۇردىك. ءبىراق وسىنشالىقتى عاجايىپ ەكەندىگىن العاشقىلاردىڭ ءبىرى بولىپ ءوز كوزىمىزبەن كوردىك. مۇندا ءبىز جاڭا ۇلگىدەگى پويىزبەن كەلدىك. ۆوكزال عاجايىپ ۇلكەن ەكەن. بارلىعى دا جاڭا تەحنولوگيا بويىنشا سالىنعان. ءبىزدىڭ ويىمىزشا، ەكسپو-2017 قوناقتارىن لايىقتى قارسى الادى»، - دەيدى م. ءجۇسىپوۆ.
ۆوكزال كەشەنى باستىعىنىڭ كەزەكشى كومەكشىسى ە. رىمبايەۆتىڭ ايتۋىنشا، مۇندا جۇمىس جاساۋ جاس ماماندار ءۇشىن ءوز مۇمكىندىگىن بارىنشا كورسەتۋگە ىڭعايلى.
«ءبىز ارنايى دايىندىقتان وتتىك. بارلىق شەتەلدىك قوناقتارعا ءتيىستى اقپاراتتاردى تۇسىندىرە الامىز. تەمىرجول سالاسىندا قىزمەت ەتىپ، جولاۋشىلارعا قىزمەت كورسەتۋ ساپاسىن كوتەرۋ بىزدەر ءۇشىن ۇلكەن جاۋاپكەرشىلىك جۇكتەيدى»، - دەيدى ە. رىمبايەۆ.
بۇگىن، 1 - ماۋسىمدا جاڭا ۆوكزال كەشەنىنە پاۆلودار، ماڭعىستاۋ جولاۋشىلار پويىزدارى كەلىپ توقتاسا، وسى ستانسيادان شىمكەنت، كوكشەتاۋ، الماتى باعدارىنا پويىزدار جىبەرىلدى. جاڭا ۆوكزال كەشەنى 54 پويىزعا قىزمەت كورسەتەدى. ونىڭ 22- ءسى «تۇلپار- تالگو» جۇردەك پويىزى، 16-سى قاراپايىم پويىزدار، 16-سى قالا ارالىق پويىزدار.
