قىتاي مەن قازاقستان مونوپولياعا قارسى ساياسات سالاسىندا ارىپتەستىك ورناتتى

استانا. قازاقپارات - ق ر ۇلتتىق ەكونوميكا مينيسترلىگى جانە قىتاي مەملەكەتتىك ونەركاسىپ پەن ساۋدا اكىمشىلىگى ءوزارا تۇسىنىستىك جانە ىنتىماقتاستىق تۋرالى مەموراندۋمعا قول قويدى،

 دەپ حابارلايدى قازاقپارات ۇلتتىق ەكونوميكا مينيسترلىگىنە سىلتەمە جاساپ.

2017 -جىلعى 1 - ماۋسىمدا قازاقستان رەسپۋبليكاسىنىڭ ۇلتتىق ەكونوميكا مينيسترلىگىندە قىتاي حالىق رەسپۋبليكاسىنىڭ مەملەكەتتىك ونەركاسىپ پەن ساۋدا اكىمشىلىگىنىڭ (SAIC) دەلەگاتسياسىمەن كەزدەسۋ ءوتتى.

اتالعان كەزدەسۋ اياسىندا قىتايلىق تاراپ ق ح ر- دا جۇرگىزىلگەن كاسىپكەرلىك جۇيەسى رەفورماسىن تانىستىردى، سونداي- اق ۇلتتىق ەكونوميكا مينيسترلىگى مەن مەملەكەتتىك ونەركاسىپ پەن ساۋدا اكىمشىلىگىنىڭ اراسىنداعى ىنتىماقتاستىقتى نىعايتۋ ماسەلەلەرى تالقىلاندى.

سونىمەن قاتار، وتكىزىلگەن كەزدەسۋ اياسىندا ق ح ر مەملەكەتتىك ونەركاسىپ پەن ساۋدا اكىمشىلىگىنىڭ جانە ۇلتتىق ەكونوميكا مينيسترلىگىنىڭ اراسىندا باسەكەلەستىك سالاسىنداعى ءوزارا تۇسىنىستىك پەن ىنتىماقتاستىق تۋرالى مەموراندۋمعا قول قويىلدى.

 اتالعان مەموراندۋمنىڭ ماقساتى - قازاقستان مەن قىتاي اراسىنداعى باسەكەلەستىك ساياسات، سونداي- اق مونوپولياعا قارسى زاڭنامانى قۇقىقتىق قولدانۋ سالاسىنداعى ەكىجاقتى ىنتىماقتاستىقتىڭ جالپى اياسىن بەلگىلەۋ.

مەموراندۋمدى جۇزەگە اسىرۋ اياسىندا مىناداي باعىتتار بويىنشا ىنتىماقتاستىق ۇيعارىلۋدا:

- مونوپولياعا قارسى زاڭناما جانە قۇقىق قولدانۋ سالاسىندا اقپارات الماسۋ؛

- قىتاي مەن قازاقستاندا ۇيىمداستىرىلعان حالىقارالىق كونفەرەنتسيالارعا، سەمينارلارعا جانە باسقا دا ءىس- شارالارعا قاتىسۋ، ونىڭ ىشىندە باسەكەلەستىك جانە باسقا دا ىستەردى قاراۋمەن اينالىساتىن لاۋازىمدى تۇلعالار ءۇشىن كاسىبي ترەنينگتەر وتكىزۋ.

قىتايلىق تاراپتىڭ دەلەگاتسياسىن مەملەكەتتىك ونەركاسىپ پەن ساۋدا اكىمشىلىگىنىڭ ۆيتسە- ءمينيسترى ۆانگ دجيانپيگ مىرزا باسقاردى.

كەزدەسۋدىڭ قورىتىندىسى بويىنشا اتالعان مەموراندۋمدى جۇزەگە اسىرۋ اياسىندا ءىس- قيمىل جوسپارىن ازىرلەۋ تۋرالى شەشىم قابىلداندى.

اۆتور: جاسۇلان جولدىبايەۆ