بۇعى ءتولىن ايۋدان قۇتقارىپ قالدى

استانا. قازاقپارات - امەريكانىڭ اريزونا شتاتىنداعى فلاگستافف قالاسىنىڭ تۇرعىنى شەننون سيەۆيلل امەريكالىق قارا ايۋدىڭ ۆاپيتيعا (بۇعىنىڭ ءتۇرى) شابۋىل جاساعان ۆيدەوسىن ءتۇسىرىپ العان.

بۇل تۋرالى Haffington Post باسىلىمى جازدى.

ايۋ ونىڭ اناسى باسقا جاققا قاراپ تۇرعان كەزدە تولىنە شابۋىل جاساعان. ءتولدىڭ ماڭىراعان داۋسىنا بۇعىنىڭ نازارى اۋادى، ونىڭ جاقىنداعانىن بايقاپ قالعان جىرتقىش اعاشقا ورمەلەپ كەتەدى. ال ول تاعى دا تەرىس قاراعان كەزدە ايۋ تومەن ءتۇسىپ، تولگە قايتا ۇمتىلادى. بۇل جولى جانۇشىرعان ۆاپيتي الدىڭعى تۇياقتارىمەن ايۋدى تەبەدى. سوققى تيگەن جىرتقىش الدى ارتىنا قاراماستان تۇرا قاشادى. ايەلدىڭ Facebook-كە جاريالاعان ۆيدەوسى 2,6 ميلليون رەت قارالعان. ۆاپيتي - سولتۇستىك امەريكادا تارالعان بۇعىنىڭ ءتۇرى.