ەرلان ساعاديەۆ ساتىلاتىن جالعان ديپلومدارعا قاتىستى تۇسىنىك بەردى
ەسەپتىك كەزدەسۋدە جەلىدە ءتۇرلى سايتتار بار ەكەندىگى، ولاردا شامالى اقشاعا ءتۇپنۇسقادان ايىرماشىلىعى جوق كەز كەلگەن قازاقستاندىق ديپلومدى ساتىپ الۋعا بولاتىندىعى جارنامالانىپ جاتقاندىعى، سونداي- اق مينيسترلىك اتالعان ماسەلەنى قالاي رەتەيتىندىگى سۇرالدى.
«بىرىنشىدەن، ءاربىر ستۋدەنت بىزدە ەسەپتە تۇر. اتاپ ايتقاندا، ستۋدەنتتەر مالىمەتتەرىنىڭ ءبىرىڭعاي بازاسى بىزدە تۇزىلگەن. وسى رەتتە 100 پايىزدىق قاداعالاۋ بار. سوندىقتان دا ءتۇپنۇسقا ديپلوم العان ستۋدەنتتى انىقتاۋ قيىن ەمەس. ارينە، الاياقتىقپەن اينالىساتىن سايتتار بولاتىنى انىق، ولار ديپلومنان بولەك جەكە كۋالىك، جۇرگىزۋشى كۋالىگىن جانە باسقا دا قۇجاتتاردى دايارلاپ بەرۋگە ۋادە بەرەتىنى بەلگىلى»، - دەپ توقتالدى ساعاديەۆ.
وسى ورايدا ول وسىنداي جارنامالار مەن اقپاراتتار پايدا بولعان كەزدە مينيسترلىك قۇزىرلى ورگاندارعا ءتيىستى مالىمەت بەرەتىنىن اتاپ ءوتتى.
«وسىنداي اقپارات شاققان بەتتە ءبىز ىشكى ىستەر مينيسترلىگىنە، ۇلتتىق قاۋىپسىزدىك كوميتەتىنە حابارلايمىز. ولار ءوز كەزەگىندە اتالعان ۇيىمدارعا قاتىستى ءتيىستى ءىس- قيمىلدارىن ىسكە اسىرادى»، - دەدى ۆەدومستۆو باسشىسى.
اۆتور: رۋسلان عابباسوۆ
