بولاشاقتا حيرۋرگ جانە جازۋشى ماماندارىن روبوت الماستىرادى

استانا. قازاقپارات - وكسفورد ۋنيۆەرسيتەتى بولاشاق ادامزات ينستيتۋتى ( ۇلى بريتانيا) مەن يەل ۋنيۆەرسيتەتىندەگى ساياسي عىلىمدار ءبولىمى (ا ق ش) عالىمدارى جاساندى ينتەللەكت مۇمكىندىكتەرى ادامزات ساناسىنىڭ الدىن وراۋى ىقتمال ەكەندىگىن ايتتى.

 بۇل جايلى لەنتا. رۋ. حابارلايدى.

 ماماندار جاساندى ينتەللەكت 2024 -جىلدارى تىلدەردى اۋدارۋ قابىلەتىن يگەرەدى، ال 2026 -جىلعا قاراي ورتا مەكتەپ بىتىرەتىن ەسسە جازىپ، 2027 -جىلعا قاراي جۇك ماشيناسى جۇرگىزۋشىلەرىن تولىقتاي الماستىرىپ ادامنىڭ تابيعي مۇمكىندىكتەرىنەن اسىپ تۇسەدى دەپ بولجايدى. 2031 -جىلى بولشەكتەپ ساتۋ دۇكەندەرىنىڭ ساتۋشىسى ماماندىعى، 2049 -جىلعا قاراي بەللەتريستيكاعا ماماندانعان جازۋشىلار تۇبەگەيلى جوعالادى. 2053 -جىلى حيرۋرگ ماماندىعى قاجەت بولمايدى. ولاردىڭ ورنىن روبوت باسادى. سونداي- اق، اۆتورلار 45 جىلدان كەيىن ادامدى 50 پايىز جاساندى ينتەللەكت الماستىرۋى مۇمكىن، ال 120 جىلدان كەيىن بارلىق جۇمىس ورىندارىندا تەك كومپيۋتەرلىك روبوتتار جۇمىس ىستەيدى دەپ تۇجىرىمدايدى.