ا ق ش بوكسشىسى كيركلەند قانات يسلامنىڭ جەكپە- جەگىن كورىپ شىقتى
سول جەكپە- جەكتە قانات يسلامنىڭ قاباعى قاتتى جارىلعان ەدى. الايدا قازاقستاندىق بوكسشى ءوز قارسىلاسىن ءبىرىنشى راۋندتا نوكاۋتپەن جەڭدى، دەپ حابارلايدى قازاقپارات ءتىلشىسى قازاقستاننىڭ كاسىبي بوكس فەدەراتسياسىنا سىلتەمە جاساپ.
بۇگىندە يسلام مەن كيركلەندتىڭ كوماندالارى كەلىسسوزدەر جۇرگىزىپ جاتىر. ەكى بوكسشىنىڭ جەكپە- جەگى 9 - قىركۇيەكتە استانا قالاسىندا ءوتۋى ابدەن مۇمكىن. كيركلەندتىڭ ءوزى قازاقستانعا كەلۋگە قارسى ەمەس. سودان بولار، قازىردىڭ وزىندە امەريكالىق بوكسشى ءوزىنىڭ كەلەسى قارسىلاسىن زەرتتەي باستادى. الەۋمەتتىك جەلىدە تاراعان ۆيدەودا كيركلەند اعىمداعى جىلى اقپان ايىندا وتكەن قانات يسلامنىڭ كەزەكتى جەكپە- جەگىن تاماشالاپ وتىر. برازيليالىق بوكسشى روبسون اسسيس نوكاۋتقا تۇسكەندە كيركلەند: «ۋاۋ، ەركەك ەكەن، توقتات. مىنانى قارا.. .تاماشا.. .كوبەلەكتەر ۇشا باستادى- اۋ»، - دەپ ءوز ەموتسياسىن جاسىرمادى.
ايتا كەتەيىك، دجەيمس كيركلەند 33 جاستا. وسى ۋاقىتقا دەيىن ول ەكى- اق رەت جەڭىلگەن. ءبىرىنشى رەت گولوۆكيننىڭ بۇرىنعى قارسىلاسى - جاپوندىق نابۋحيرو يشيدادان نوكاۋت السا، 2015 -جىلى GGG- ءدىڭ كەلەسى قارسىلاسى - مەكسيكالىق ساۋل الۆارەستەن دە نوكاۋتپەن ۇتىلعان بولاتىن. سودان بەرى كيركلەند رينگكە شىققان جوق. ال قازاقستاندىق قانات يسلام ءالى بىردە- ءبىر رەت جەڭىلمەگەن.
