اقمولا وبلىسىندا «نۇرلى جەر» باعدارلاماسىن جۇزەگە اسىرۋ جونىندە كەلىسىم جاسالدى

 كوكشەتاۋ. قازاقپارات - اقمولا وبلىسىنىڭ اكىمدىگى مەن «تۇرعىن ءۇي- قۇرىلىس جيناق بانكى» اق ءوزارا ارىپتەستىك تۋرالى مەموراندۋمعا قول قويدى، دەپ حابارلايدى «قازاقپارات» ح ا ا ءتىلشىسى.

 اكىمدىكتە وتكەن كەزدەسۋدە ايماق باسشىسى مالىك مىرزالين مەن «تۇرعىن ءۇي قۇرىلىس جيناق بانكى» ا ق باسقارما ءتورايىمى ءلاززات يبراگيموۆا وڭىردە «نۇرلى جەر» باعدارلاماسىن جۇزەگە اسىرۋ ماسەلەلەرىن قاراستىردى. ايماق باسشىسىنىڭ ايتۋىنشا، اتالمىش مەموراندۋم ەلباسى نۇرسۇلتان نازاربايەۆتىڭ تۇرعىنداردى قولجەتىمدى باسپانامەن قامتاماسىز ەتۋ تۋرالى جۇكتەگەن مىندەتتەرىن جۇزەگە اسىرۋعا سەپتىگىن تيگىزبەك. «2012-2016 -جىلدار ارالىعىندا وبلىس اۋماعىندا تۇرعىن ءۇي قۇرىلىسى باعدارلاماسىن جۇزەگە اسىرۋ باعىتىندا «تۇرعىن ءۇي- قۇرىلىس جيناق بانكى» ا ق- نىڭ سالىمشىلارى ءۇشىن 51,7 مىڭ شارشى مەتر نەمەسە 600 پاتەر پايدالانۋعا بەرىلدى. جىل باسىنان بەرى «نۇرلى جەر» باعدارلاماسىن جۇزەگە اسىرىلا باستادى. باعدارلامادا باسپانا ماسەلەسىن شەشۋدىڭ جاڭا ءتيىمدى جولدارى قاراستىرىلعان» ، - دەدى م. مىرزالين.

 باسقارما ءتورايىمى ءلاززات يبراگيموۆانىڭ سوزىنە قاراعاندا، ەلىمىزدەگى تۇرعىنداردىڭ كوبى «تۇرعىن ءۇي- قۇرىلىس جيناق بانكى» ا ق سالىمشىلارى. ولاردى ساپالى ءارى ارزان باسپانامەن قامتاماسىز ەتۋ تۋرالى بانكتىڭ باستى مىندەتى بولىپ تابىلادى. «ستاتيستيكالىق دەرەكتەرگە قاراعاندا قازاقستاندا تۇرعىن ءۇي سالۋ بويىنشا وتكەن جىلى رەكوردتىق كورسەتكىش، ياعني، 10,2 ميلليون تەكشە مەتر باسپانا پايدالانۋعا بەرىلدى. 2017 -جىلدىڭ ءبىرىنشى توقسانىندا 3,2 ميلليون تەكشە مەتردى قۇرادى. ال، اقمولا وبلىسىنا كەلەتىن بولساق، جىل سوڭىنا دەيىن بارلىعى 400-500 پاتەردى پايدالانۋعا بەرۋ كوزدەلگەن. وسىدان- اق، قازاقستاندىقتاردى قولجەتىمدى باسپانامەن قامتاماسىز ەتۋدە «تۇرعىن ءۇي- قۇرىلىس جيناق بانكى» ا ق- نىڭ ءرولى زور ەكەنىن بايقاۋعا بولادى. جالپى، اقمولا وبلىسى ءاربىر توعىزىنشى تۇرعىنى ءبىزدىڭ بانك سالىمشىسى بولىپ تابىلادى» ، - دەدى ءلاززات يبراگيموۆا.

اۆتور: اسلان وسپانوۆ