بوس جەرلەر تۋرالى مالىمەتتەر حالىققا قولجەتىمدى بولۋى ءتيىس - باس پروكۋراتۋرا
بۇل تۋرالى بۇگىن «100 ناقتى قادام» ۇلت جوسپارىنىڭ 94, 95 جانە 96 قادامدارىن ورىنداۋ اياسىندا «اقپاراتقا قول جەتكىز تۋرالى» ق ر زاڭىنىڭ ىسكە اسىرىلۋ بارىسىنا ارنالعان دوڭگەلەك ۇستەل وتىرىسىندا ق ر باس پروكۋرورىنىڭ ورىنباسارى اندرەي كراۆچەنكو ءمالىم ەتتى، دەپ حابارلايدى قازاقپارات.
«تاياۋدا بوس جەرلەر تۋرالى مالىمەتتەر حالىققا قانشالىقتى قولجەتىمدى ەكەندىگىن زەردەلەپ كوردىك. ۇكىمەتتىڭ ازاماتتارعا ارنالعان ينتەرنەت- رەسۋرسىندا اۋدانداردىڭ، قالالاردىڭ جەر- كاداسترلىق سىزباسى ورنالاستىرعاندىعى جانە ونىڭ اپتا سايىن جاڭارتىپ وتىراتىندىعى انىقتالدى. ءبىراق، بوس جەرلەر تۋرالى مالىمەتتەر كورسەتىلمەيدى» ، - دەپ اتاپ ءوتتى ول. باس پروكۋرور ورىنباسارىنىڭ سوزىنە قاراعاندا، مۇنداي اقپارات ءۇش كۇننىڭ ىشىندە جازباشا سۇراۋ سالعان كەزدە عانا بەرىلەدى.
«بۇل رەتتە ءبىز دە شەتەلدىك تاجىريبەنى قولدانىمىز قاجەت سياقتى. بۇعان قوسا، كورشى ازەربايجان جىل سايىن حالىققا بوس جەرلەر تۋرالى اقپارات بەرىپ وتىرادى. بەلارۋس تا تاياۋ ۋاقىتتا بۇل مالىمەتتەردى جەردىڭ جاريا ەلەكتروندى كارتاسىنا ەنگىزۋدى جوسپارلاپ وتىر» ، - دەيدى اندرەي كراۆچەنكو.
اۆتور: مارلان جيەمباي
