قانات يسلام ءدال قازىرگى تاڭدا ۇلكەن كەزدەسۋلەر وتكىزۋگە دايىن - مايك مانتەرو

استانا. قازاقپارات - امەريكالىق جۋرناليست قازاقستاندىق بوكسشى تۋرالى پىكىرىمەن ءبولىستى.

بەلگىلى امەريكالىق جۋرناليست مايك مانتەرو ءبىرىنشى ورتا سالماقتاعى WBO NABO جانە WBA Inter- Continental تۇجىرىمدارى بويىنشا الەمنىڭ جاڭا چەمپيونى قانات «QAZAQ» يسلام (24-0, 19 ك و) مەن جانقوش تۇراروۆ (21-0-0) تۋرالى پىكىرىن ءبىلدىردى.

«قانات يسلام ءدال قازىرگى تاڭدا ۇلكەن كەزدەسۋلەر وتكىزۋگە دايىن. ال جانقوش تۇراروۆقا كەلەر بولساق ول ءالى شىڭدالىپ ۇلگەرگەن جوق. جانقوش ازىرگە ماڭىزدى جەكپە-جەكتەرگە دايىن ەمەس. وعان ءالى تاجىريبە جىيناۋى كەرەك» - دەپ كەلتىرەدى مايكتىڭ ءسوزىن وتاندىق باسىلىمدار.

ەسكە سالايىق، قانات يسلام مەن جانقوش تۇراروۆ سوڭعى كەزدەسۋلەرىن مامىر ايىنىڭ 27- كۇنى ا ق ش- تىڭ بوكا راتون قالاسىندا بولعان بوكس كەشىندە وتكىزىپ، ەكى بوكسشىمىز دا جەڭىسكە جەتتى.

وسى جەڭىسىنەن كەيىن قانات يسلام BoxRec پورتالىنىڭ رەيتينگىندە 27 ساتىعا جوعارىلاپ، قازىرگى ۋاقىتتا ءوز سالماعىندا 26- ورىنعا جايعاستى. ال تۇراروۆ جارتىلاي ورتا سالماق دارەجەسى بويىنشا 27- ورىنعا جوعارىلاپ، 85- ورىنعا تۇراقتادى.