سوت اتا-اناسىنا قازا تاپقان قىزىنىڭ اككاۋنتىنا كىرۋگە رۇقسات بەرمەدى

استانا. قازاقپارات - گەرمانيانىڭ اپەللياتسيالىق سوتى وزىنە-ءوزى قول جۇمساعان قىزىنىڭ ولىمىنە كىمنىڭ سەبەپشى بولعانىن بىلگىسى كەلگەن اتا-اناسىنا ونىڭ فەيسبۋكتەگى اككاۋنتىنا كىرۋىنە رۇقسات بەرمەدى.

بۇل تۋرالى BBC حابارلايدى. قىزدىڭ اتا-اناسى 2012-جىلدان بەرى ونىڭ اككاۋنتىنا كىرۋگە رۇقسات الا الماي ءجۇر.

ولاردىڭ 15 جاستاعى قىزى مەتروداعى پويىزدىڭ استىنا ءتۇسىپ قازا تاپقان بولاتىن. ولار قىزدارىنىڭ ءوز-وزىنە قول جۇمساعانىنا سەنىمدى جانە وعان بىرەۋ يتەرمەلەدى دەپ ەسەپتەيدى.

Facebook كومپانياسى قازا تاپقان جاس ءوسپىرىمنىڭ جەكە پاراقشاسىنا كىرۋگە رۇقسات بەرمەگەن، سوندىقتان ونىڭ اتا-اناسى سوتقا شاعىمدانعان.

بەرليننىڭ ءبىرىنشى سوتى Facebook- ءتى قىزدىڭ اتا-اناسىنا ونىڭ ەسەپ جازباسىن بەرۋگە مىندەتتەگەن ەدى.

سەبەبى، زاڭناماعا سايكەس، ەسەپ جازباسىن حاتتار مەن كۇندەلىكپەن بىرگە ونىڭ مازمۇنىنا قاراماستان «مۇراگەرلىك جولمەن» قاراۋعا بولاتىن. Facebook كومپانياسى سوتتىڭ شەشىمىمەن كەلىسپەي، اپەللياتسياعا بەرىپ، بۇل جولى سوت كومپانيانىڭ پايداسىنا شەشىم شىعاردى.

سۋديانىڭ ۇكىمىنە سايكەس، قىز بەن الەۋمەتتىك جەلى اراسىندا كەلىسىمشارت بولعان جانە ول ونىڭ ولىمىمەن ءبىر ۋاقىتتا اياقتالعان.