استانادا «جاسىل ايماق» ەكولوگيالىق اكسياسى وتەدى
اكسيانىڭ ماقساتى - استانا قالاسىنىڭ جاسىل بەلدەۋىن تۇرمىستىق جانە وندىرىستىك قالدىقتاردان تازالاۋ، جاستاردىڭ ەكولوگيالىق سانا-سەزىمىن وياتۋ، تابيعاتتى قورعاۋعا شاقىرۋ.
«تۋعان قالاڭنىڭ، ونىڭ كوشەلەرى مەن گۇلزارلارىنىڭ ۇقىپتى، تازا بولۋى ءبىزدىڭ ءارقايسىمىزعا بايلانىستى ءارى ءاردايىم قامقورلىق تانىتۋىمىز قاجەت. مۇنى ەشقاشان ۇمىتپاۋىمىز كەرەك، - دەيدى اكسيانى ۇيىمداستىرۋشىلار. «بۇكىل الەمدىك قورشاعان ورتانى قورعاۋ كۇنى» - ب ۇ ۇ باعدارلاماسىنىڭ قامقورلىعىمەن وتكىزىلەتىن حالىقارالىق تابيعاتتى قورعاۋ شاراسى. جىل سايىن 5- ماۋسىم كۇنى الەمدىك قاۋىمداستىق قورشاعان ورتانى قورعاۋ ماسەلەسىن تالقىلايدى.
وسى كۇنى بۇكىل الەمدە «جەردەگى ءومىر ءۇشىن» ۇرانى بويىنشا ەكولوگيالىق شارالار وتكىزىلەدى. مەرەكە قارساڭىندا استانادا ءبىرقاتار شارالار ۇيىمداستىرىلدى.
«ءبىز تازا قالانى تاڭدايمىز» دەگەن ۇرانمەن قالانى اباتتاندىرۋ، جاسىلداندىرۋ جانە سانيتارلىق تازالاۋ كوكتەمگى ەكولوگيالىق ايلىق اياقتالدى جانە اپتا سايىنعى «تازا جۇما» اكسياسى جالعاسۋدا. «جاسىل ايماق» اكسياسىنىڭ ۇيىمداستىرۋشىلارى - استانا قالاسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى.
