پاۆلودار وبلىسىندا كيەلى جەرلەر گەوگرافياسىنا كىرەتىن ورىندار انىقتالۋدا
تاريح عىلىمدارىنىڭ دوكتورى، پروفەسسور جامبىل ارتىقبايەۆتىڭ ايتۋىنشا، ەنتسيكلوپەدياعا شىعارىلاتىن كيەلى جەرلەردىڭ تىزىمىنە پاۆلودار وڭىرىنەن بىرنەشە ورىن ەنگىزىلگەن.
دەگەنمەن بۇل ءتىزىمدى ءالى دە تولىقتىرۋ كەرەك.
«جازدا ەلىمىزدىڭ بارلىق ءوڭىرىن قامتيتىن ەكسپەديتسيا ۇيىمداستىرىلادى. سونىڭ ناتيجەسىندە بەس تومدىق ەنتسيكلوپەديانى جارىققا شىعارامىز. قازىر سول ەكسپەديتسيا جۇمىس جاسايتىن قاسيەتتى جەرلەردىڭ ءتىزىمىن دايىنداپ جاتىرمىز. قازاقستان بويىنشا ءبىر مىڭعا جاقىنداپ قالدى. ال، پاۆلودار وڭىرىنەن سول تىزىمگە باياناۋىل اۋدانىنداعى ءماشھۇر ءجۇسىپ كەسەنەسىن، قوڭىر اۋليە مەكەنىن، ەكىباستۇز قالاسىنا قاراستى اقكول جايىلما اتىرابىن، ماي اۋدانىنان قالماق قىرىلعان تاۋىن ەنگىزىپ وتىرمىز»، - دەيدى جامبىل ارتىقبايەۆ.
تاريح عىلىمدارىنىڭ كانديداتى، س. تورايعىروۆ اتىنداعى پاۆلودار مەملەكەتتىك ۋنيۆەريستەتىندەگى تاريح جانە مادەنيەت ينستيتۋتىنىڭ ديرەكتورى قايرات باتتالوۆتىڭ سوزىنشە، پاۆلودارداعى «كيەلى جەرلەر گەوگرافياسىن» انىقتاۋ ءۇشىن ەلدى مەكەندەردە تۇراتىن كونە كوز قاريالاردىڭ، جەرگىلىكتى تاريحشىلاردىڭ، ولكەتانۋشىلاردىڭ ۇسىنىس- پىكىرلەرى ەسكەرىلەدى.
«پاۆلودار وبلىسىنداعى تاريحي ورىنداردى ارالاۋ ءۇشىن كوميسسيا جاساقتالۋدا. ونىڭ قۇرامىنا عالىمدار، تاريحشىلار، ولكەتانۋشىلار، ەرتەدە ەل باسقارعان ازاماتتار كىرەدى. سونىمەن قاتار، جەرگىلىكتى حالىقپەن اقىلداسامىز. ەكسپەديتسيا جۇمىسىن جاز ايلارىندا جۇرگىزىپ، كۇزگە دەيىن ەتنوگرافيالىق ماتەريالداردى دايىنداپ، استاناعا جىبەرۋىمىز كەرەك. ەنتسيكلوپەدياعا رەسپۋبليكالىق ماڭىزى بار تاريحي ورىندارمەن قاتار، جەرگىلىكتى دەڭگەيدەگى ماڭىزدى جەرلەر دە كىرەدى. ەڭ باستىسى - سونىڭ ماڭىزدىلىعىن ايقىندايتىن ناقتى دالەلدەر تاۋىپ، ۇسىنۋىمىز كەرەك»، - دەيدى قايرات باتتالوۆ.
ەسكە سالايىق، جاقىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى قازاقستاننىڭ كيەلى جەرلەرىنىڭ كارتاسىن جاساقتاۋدى تاپسىرعان بولاتىن. بۇل تاپسىرما ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسىندا ايتىلعان نەگىزگى يدەيالاردى جۇزەگە اسىرۋعا باعىتتالىپ وتىر.
