يراننىڭ جوعارعى كوسەمى ساۋد ارابياسى باسشىلارىن سىنادى

استانا. قازاقپارات - يراننىڭ جوعارعى رۋحاني جەتەكشىسى اياتوللا ءالي حامەنەي ساۋد ارابياسى باسشىلارىنىڭ ا ق ش- پەن ىنتىماقتاستىعىن «پايداسىز» دەپ باعالاپ، ساۋديالىق ليدەرلەردى «اقىماقتار» دەپ اتادى.

ءالي حامەنەي ا ق ش- پەن ىنتىماقتاستىق ساياساتى «قۇلدىراۋعا» اكەلەدى دەيدى.

27 - مامىر كۇنى اياتوللا ءالي حامەنەي ساۋد ارابياسى باسشىلارىن ا ق ش- تىڭ «قۇيىرشىقتارى» اتادى. ول بۇل ءسوزىن ساۋد ارابياسى ا ق ش- پەن قورعانىس جانە قارۋ- جاراق سالاسىندا 110 ميلليارد دوللارعا كەلىسىمدەر جاساسقانىنا (20 - مامىر كۇنى) قارسى ايتقان. ونىڭ سوزىنشە، ساۋد ارابياسى باسشىلارى «يسلام جاۋىمەن اقشا ارقىلى دوستاسقىسى كەلەتىن اقىماقتار». بۇل تۋرالى يرانداعى جارتىلاي رەسمي Fars اگەنتتىگى حابارلادى.

ول ساۋد ارابياسىنىڭ باسشىلارىن «مۇسىلمان الەمىنىڭ ءبىر بولىگىنىڭ تاعدىرىمەن ويناپ وتىر» دەپ ايىپتاعان. حامەنەي رامازان ايى باستالۋى قۇرمەتىنە وتكەن ءدىني جيىندا ايتقان ۋاعىزىندا «ولار يسلام جاۋىمەن دوستاسىپ ءجۇر، كەرىسىنشە باحرەين مەن يەمەن مۇسىلماندارىنا قاستاسىپ وتىر. ولار قۇريدى (قۇلدىرايدى)» دەگەن. ءالي حامەنەيدىڭ بۇل مالىمدەمەسى Twitter اككاۋنتىندا دا جاريالاندى.

حامەنەيدىڭ سوزدەرى بۇل ەلدىڭ پرەزيدەنتى حاسان روۋحاني كاتار امىرىمەن تەلەفون اڭگىمەسىندە «يراننىڭ پارسى شىعاناعى ەلدەرىمەن قاتىناسىن جاقسارتاتىنىن» ايتقان كۇنى جاريالاندى.

 www.azattyq.org