ءبىلىم ءمينيسترى «الىپپەنى» وقىتۋدىڭ ءمان- جايىن ايتتى
«12 جىلدىق وقىتۋعا كوشۋدە «0+11» ءبىرىنشى بولىگى بولادى، ونى تولىعىمەن ىسكە اسىرۋدى 2019 -جىلعا بەلگىلەپ وتىرمىز. 0-سىنىپ نە ءۇشىن قاجەت؟ بالالاردىڭ ءجۇز پايىزى مەكتەپكە كەلگەندە دايىن بولۋى كەرەك. قازىرگى كەزدە ورەندەردىڭ 85 پايىزى مەكتەپ تابالدىرىعىن اتتاعاندا ارىپتەر مەن سانداردى تانيدى، وقي الادى، ال قالعان 15 پايىزى از بولسا دا مۇعالىمدەرگە سالماق تۇسىرەدى. 0-سىنىپتى مەكتەپتە جانە بالاباقشادا وتۋگە بولادى»، - دەپ توقتالدى مينيستر.
وسى ورايدا ساعاديەۆ 0-سىنىپتىڭ ءمانى ءبىرىڭعاي باعدارلاما مەن وقۋلىقتى ەنگىزۋگە نەگىزدەلگەنىن جەتكىزدى.
«قازىر ءبارى «الىپپە» قايدا كەتتى دەپ سۇراپ جاتىر. «الىپپە» 0- سىنىپقا بازالىق وقۋلىق بولىپ بارادى. بيىل ونىڭ باعدارلاماسى دايىن، قاناتقاقتى جوبا رەتىندە بالاباقشا مەن مەكتەپتە ەنگىزە باستايمىز. وندا 1- سىنىپتىڭ وقۋلىعى «ساۋات اشۋ» ەكى جاققا ءبولىنىپ، 0- سىنىپتا «الىپپە» بولادى، ال 1- سىنىپتا «انا ءتىلى» بولىپ قالادى. بىزدە مىڭنان استام بالاباقشا مەن مەكتەپ قاناتقاقتى جوباعا جازىلعان. بۇل جۇمىستار جاقسى ناتيجە كورسەتسە، كەلەسى جانە 2019 -جىلى بارلىعىنا تاراتامىز»، - دەدى ۆەدومستۆو باسشىسى.
اۆتور: رۋسلان عابباسوۆ
