15:15, 31 - مامىر 2017 | GMT +5
التىن قۇيمالاردى العاشقى بولىپ نۇرسۇلتان نازاربايەۆ ساتىپ الدى
الماتى. قازاقپارات - التىن قۇيمالاردى العاشقى بولىپ نۇرسۇلتان نازاربايەۆ ساتىپ الدى. بۇل تۋرالى ق ر ۇلتتىق بانكىنىڭ ءتوراعاسى دانيار اقىشيەۆ باسپا ءسوز بريفينگىندە حابارلادى.
«كەشە استاناداعى «حالىق بانكىنىڭ» بولىمشەسىندە مەملەكەت باسشىسى نۇرسۇلتان نازاربايەۆتىڭ اتىنا العاشقى كاسسالىق كىرىس وردەرى تىركەلدى. ەلباسى 10 گرامدىق قۇيمادان 100 گرامدىق قۇيماعا دەيىن تۇگەل ساتىپ الدى» ، - دەدى دانيار اقىشيەۆ.
باس بانكير مەملەكەت باسشىسىنىڭ ارەكەتى وزگەلەردى دە التىن قۇيمالارىن جيناق قۇرالى رەتىندە ساتىپ الۋعا ىنتالاندىراتىنىن اتاپ ءوتتى. «ۇلتتىق بانك ءوز تاراپىنان التىن قۇيمالاردىڭ ساتۋدى جانداندىرىپ، قاجەتتى ءتۇسىندىرۋ جۇمىستارىن جۇرگىزەتىن بولادى. ەكىنشى دەڭگەيلى بانكتەرمەن قويان- قولتىق جۇمىس جۇرەتىن بولادى. ەگەر، سۇرانىس ارتىپ جاتقان جاعدايدا التىن قۇيمالاردى جاپپاي شىعارۋعا كىرىسەمىز» ، - دەدى د. اقىشيەۆ.
اۆتور: گۇلميرا عوسمانالي
