ق ر مەملەكەتتىك حاتشىسى «قورقىت اتا» مەموريالدىق كەشەنىندە جانە «جىراۋلار ۇيىندە» بولدى - فوتو
دەلەگاتتار ءبىرىنشى ارال حالىقارالىق فورۋمىنا قاتىسىپ، «قورقىت اتا» مەموريالدىق كەشەنىندە جانە جوسالى كەنتىندەگى «جىراۋلار» ۇيىندە، قارماقشى اۋداندىق تاريحي-ولكەتانۋ مۋزەيىندە بولىپ، شىعارماشىلىق زيالى قاۋىم وكىلدەرىمەن كەزدەستى، دەپ حابارلادى قازاقپارات ءتىلشىسى وبلىستىق اكىمدىككە سىلتەمە جاساپ.
«قورقىت اتا» اتىنداعى مەموريالدىق كەشەن مەن «بايقوڭىر» عارىش ايلاعى حالىقارالىق «ەكسپو-2017» كورمەسى اياسىندا تۋريستەر كەلەتىن نىسانداردىڭ تىزىمىنە ەنگەن.
مارتەبەلى مەيماندار كەشەننىڭ زيارات ەتۋ ورتالىعى مەن مۇراجايىن ارالاپ كوردى. قارماقشى - ايگىلى جىرشى، جىراۋلارىمەن داڭقى شىققان اۋدان.
گۇلشارا ءابدىقالىقوۆا مەن دارحان مىڭباي ايماقتاعى ءداستۇرلى ونەر تاريحىمەن تانىسىپ، جاس جىراۋلاردىڭ ونەرىن تاماشالادى.
سودان سوڭ قۇرمەتتى قوناقتار الدىندا اتاقتى جىراۋلار - بيداس رۇستەمبەكوۆ پەن الماس الماتوۆ ونەر كەرسەتتى.
ق ر مەملەكەتتىك حاتشىسى جەرگىلىكتى ونەرپازداردىڭ ونەرىن جوعارى باعالادى. سونداي-اق، شىعارماشىلىق زيالى قاۋىم وكىلدەرىمەن كەزدەسۋدە ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسى جانە ۇلتتىق مادەنيەت پەن ونەردى دامىتۋ ماسەلەلەرى كەڭىنەن تالقىلاندى.
