ماسكەۋدە بولعان داۋىل قازاقستان اۋماعىنا دا كەلەدى

استانا. قازاقپارات - ق ر ىشكى ىستەر ۆيتسە- ءمينيسترى يۋري يلين ماسكەۋگە داۋىل اكەلگەن اۋا اعىندارى قازاقستان اۋماعىن دا شارپىپ ءوتۋى مۇمكىن ەكەندىگىن ايتتى، دەپ حابارلايدى قازاقپارات.

 «سيكلوننىڭ ءبىزدىڭ جەرىمىزگە كەلۋ- كەلمەۋى تۋرالى ساۋالعا كەلەتىن بولساق، ماسكەۋگە دەيىنگى ارا قاشىقتىق سونشالىقتى از ەمەس. سينوپتيكتەر ماسكەۋگە كەنەتتەن كەلگەن اتالعان فرونتتىڭ قوزعالىسىن باقىلاپ وتىر. ءبىز اقمولا وبلىسىندا جەل كۇشەيىپ، باتىس قازاقستان، سولتۇستىك قازاقستان وبلىستارىندا تەمپەراتۋرا باعامى تومەندەيدى دەگەن ەسكەرتۋ الدىق. ءبىراق ماسكەۋدى اۋرەگە سالعان فرونت ءبىزدىڭ باتىس قازاقستان مەن سولتۇستىك قازاقستان وبلىستارىنىڭ ءبىر بولىگىن جاناپ ءوتۋى ىقتيمال. ول بىزگە جەتكەنشە كۇشىن جوعالتىپ، سونشالىقتى ۇلكەن سالدارلارعا الىپ كەلمەيدى دەپ ۇمىتتەنەمىز. ءبىز ءوز تاراپىمىزدان قۇتقارۋ جاساقتارىنىڭ دايىندىقتارىن پىسىقتاپ قويدىق»، - دەدى ول ۇكىمەتتە وتكەن باسپا ءسوز ءماسليحاتىندا. ايتا كەتەيىك، ت ا س س- تىڭ حابارلاۋىنشا، ماسكەۋدە ورىن العان داۋىلدان 137 ادام زارداپ شەكتى.

 اۆتور: جاسۇلان جولدىبايەۆ