كورەيا پرەزيدەنتىن قازاقستانعا ساپارمەن كەلۋىن كۇتەمىز - نازاربايەۆ
«قازاقستان ءوز ەگەمەندىگىنىڭ العاشقى كەزەڭىنەن باستاپ الەم ەلدەرىمەن سىندارلى ساياسات جۇرگىزىپ كەلەدى. كورەي رەسپۋبليكاسى ءبىزدىڭ ازياداعى نەگىزگى ءبىر سەرىكتەسىمىز بولىپ تابىلادى. مەن سەۋلگە بىلتىرعى قاراشاداعى مەملەكەتتىك ساپارىمنىڭ ناتيجەسىن جوعارى باعالايمىن. قول جەتكىزىلگەن ۋاعدالاستىقتار ستراتەگيالىق سەرىكتەستىگىمىزدى نىعايتا تۇسۋگە سەپتىگىن تيگىزەدى دەپ سەنەمىن»، - دەدى قازاقستان پرەزيدەنتى.
وسى ورايدا مەملەكەت باسشىسى كورەيانىڭ جاڭادان سايلانعان پرەزيدەنتىنە جولداعان قۇتتىقتاۋىندا وسى باعدارلامانى ودان ارى قاراي جۇرگىزەتىىندىگىنە سەنىم بىلدىرگەنىن جانە قازاقستانعا شاقىرعانىن اتاپ ءوتتى. «قازاقستان ەكونوميكاسى ءۇشىن - وڭتۇستىك كورەيا وڭىردەگى ەڭ ءىرى ينۆەستورلاردىڭ ءبىرى بولىپ سانالادى. قازاقستاننىڭ ديپلوماتياسى ءار ۋاقىتتا سولتۇستىك كورەيامەن جاعدايدىڭ كەلىسسوزبەن شەشىلۋىنە سەپتىگىن تيگىزەدى. ول تۇبەكتە بەيبىتشىلىك ورناۋىنا ءبىز تىلەكتەسپىز. ەكىجاقتى ىنتىماقتاستىق بارلىق سالادا ودان ارى دامىتۋ جولدارىن تالقىلاۋ ءۇشىن پرەزيدەنت مۋن دجە ءيندى قازاقستانعا ساپارمەن كەلۋىن كۇتەمىز»، - دەدى نۇرسۇلتان نازاربايەۆ.
ايتا كەتەيىك، مەملەكەت باسشىسىنا وڭتۇستىك كورەيا ەلشىسى كيم دە سيك، يندونەزيا ەلشىسى راحمات پرامونو، رۋمىنيا ەلشىسى چەزار- مانولە ارميانۋ، سەربيا ەلشىسى ۆلادان ماتيچ سەنىم گراموتاسىن تابىس ەتكەن بولاتىن.
