يمانعالي تاسماعامبەتوۆ ماسكەۋدەگى قازاقستاندىق ستۋدەنتتەرمەن كەزدەستى
دەپ حابارلايدى «قازاقپارات» ح ا ا مەنشىكتى ءتىلشىسى.
كەزدەسۋ ماسكەۋ مەملەكەتتىك حالىقارالىق قاتىناستار ينستيتۋتىنىڭ (م م ح قي) عيماراتىندا ءوتتى. م م ح ق ي حالىقارالىق باسقارما باسشىسى ەگور اندرەيەۆ قازاقستاندىق ستۋدەنتتەردىڭ كەڭەس داۋىرىنەن بەرى م م ح ق ي- ءدىڭ اجىراماس بولىگىنە اينالعانىن تىلگە تيەك ەتتى. 1999 -جىلى قازاقستاندىق ستۋدەنتتەر قازىر قۇرامىنا 40 ەل كىرەتىن ءبىرىنشى شەتەلدىك جەرلەستىك وداعىنىڭ نەگىزىن قالادى.
«قازىرگى تاڭدا قازاقستاننان كەلگەن ستۋدەنتتەر ۋنيۆەرسيتەت ءومىرى مەن وقۋ پروتسەسىنە بەلسەندى قاتىسۋدا. قازاقستاندىق جەرلەستىك - 151 ادامنان قۇرالعان ەڭ ءىرى شەتەلدىك جەرلەستىكتەردىڭ ءبىرى سانالادى. جەرلەستىك وداعىنىڭ ءتوراعاسى قازاقستان وكىلى»، - دەدى اندرەيەۆ.
ەلشى ءوز كەزەگىندە م م ح ق ي- ءدىڭ رەكتورلىق كورپۋسى مەن رەسەيدەگى الدىڭعى قاتارلى ءبىلىم ورداسىنىڭ ستۋدەنتتەرىمەن كەزدەسۋ ۇلكەن قۇرمەت ەكەنىن اتاپ ءوتىپ، وسىعان بايلانىستى رەكتوراتقا كەزدەسۋدى ۇيىمداستىرعان جانە ىنتىماقتاستىعى ءۇشىن العىس ايتتى. ول رەسپۋبليكامىزدىڭ تۇراقتى ەكونوميكالىق دامۋى كادرلاردى دايارلاۋ بويىنشا ماڭىزدى مەملەكەتتىك ساياساتتىڭ ارقاسىندا جۇزەگە اسقانىن اتاپ ءوتتى.
«بولاشاق» باعدارلاماسى تاۋەلسىزدىك العانىمىزدان كەيىن بىرنەشە جىل وتكەن سوڭ قۇرىلدى. اسا كۇردەلى ۋاقىتتى باستان وتكەرىپ جاتقانىمىزعا قاراماستان، بىلىكتى مامانداردى دايىنداۋ - ءبىرىنشى ورىندا تۇردى. وسى جىلدار ىشىندە «بولاشاق» باعدارلاماسىمەن 8,5 مىڭ مامان دايارلاندى. رەسەيدە 70 مىڭ ستۋدەنت ءبىلىم الۋدا، سونىڭ 10 مىڭى - ماسكەۋدەگى جوعارى وقۋ ورىندارىندا وقىپ جاتىر. بۇل ەلىمىز ءۇشىن مىقتى سانالى ۇرپاق بولىپ تابىلادى»، - دەدى تاسماعامبەتوۆ.
سونداي- اق، ول سىرتقى جانە ەكونوميكالىق ساياساتتا جوعارى كورسەتكىشتەرگە قول جەتكىزۋدە رەسەي فەدەراتسياسىندا ءبىلىم العان كادرلاردىڭ دا ءوز ۇلەسىن قوسقاندارىن تىلگە تيەك ەتتى. «ال سەندەر - ەلىمىزدى وسى نەگىزدە ارى قاراي دامىتاتىن ۇرپاقسىڭدار»، - دەدى ديپلومات، جاستاردى زاماناۋي باسەكەگە قابىلەتتى الەمدە كاسىبي شىڭدالۋعا شاقىرىپ. كەزدەسۋدىڭ سوڭى ديالوگقا ۇلاستى، جاستار وزدەرىن قىزىقتىراتىن ساۋالداردى قويدى. ءاربىر قازاقستاندىق ءبىلىم الۋشى ەلشىگە وزەكتى سۇراقتار قويدى، ال ديپلومات ءوز كەزەگىندە تولىققاندى جانە ناقتى جاۋاپ بەردى.
