تارازدا جويقىن داۋىلدان ءۇش ادام اجال قۇشتى
وڭىرلىك ت ج د مالىمەتى بويىنشا، وبلىس ورتالىعىندا جەلدىڭ جىلدامدىعى 27 م/سەكۋندقا دەيىن جەتكەن.
VIII شاعىن اۋداندا 14 جاسار بالانى توق سوعىپ، مەرت بولعان. ونىڭ قاسىندا بولعان قىز بالا قازىر اۋرۋحانادا جاتىر. قازىرگى ساتتە ەكەۋىن قانداي جاعدايدا توق سوققانى انىقتالۋ ۇستىندە.
ودان بولەك، XIII شاعىن اۋداندا سالىنىپ جاتقان عيماراتتىڭ اۋلاسىندا ەكى قۇرىلىسشى مەرت بولدى. «جەل ءۇيدىڭ شاتىرىنداعى شيفەردى جۇلىپ كەتكەن. ەكى جۇمىسشى داۋىل سوعىپ تۇرعان ساتتە شيفەردى قاعۋ ءۇشىن شاتىرعا شىققان. قاتتى جەل ولاردى ۇشىرىپ جىبەرگەن. ەكەۋى دە وقيعا ورنىندا كوز جۇمدى»، - دەپ ءمالىم ەتكەن جامبىل وبلىسى ت ج د كەزەكشى بولىمىنەن.
دۇلەي داۋىل اعاشتاردى تامىرىمەن قوپارىپ، ەلەكتر جەلىلەرىن ءۇزىپ كەتكەن. سالدارىنان قالانىڭ ءبىر بولىگى جارىقسىز قالدى. قانشا اۋماققا زاقىم كەلگەنى انىقتالۋ ۇستىندە. قازىرگى ساتتە «ت گ ە س» ج ش س- عا جارىق ءوشىپ قالدى دەپ شاعىمدانۋشىلار سانى ارتىپ وتىر.
بۇعان دەيىن وڭىرلىك ت ج د قاتتى جەل سوعىپ، داۋىل تۇراتىنى تۋرالى ەسكەرتۋ حابار تاراتقان بولاتىن. بولجام بويىنشا جەلدىڭ جىلدامدىعى سەكۋندىنا 28 مەترگە دەيىن جەتەدى دەلىنگەن ەدى.
اۆتور: ەربول جانات
