قىتايدا اتا-انا تۋرالى وقىلعان ءۇش ساعاتتىق دارىستەن سوڭ وقۋشىلار جاپپاي جىلاپ قالعان - ۆيدەو

استانا. قازاقپارات - مىڭداعان قىتايلىق وقۋشى اتا-اناسىنا قاتىستى ءۇش ساعات بويى ءدارىس وقىعان ازاماتتىڭ سوزدەرىنەن كەيىن ەڭىرەپ جىلاپ قالدى.

بۇل تۋرالى NUR. KZ پورتالى vidmax.com سايتىنا سىلتەمە جاساپ حابارلايدى.

قىتايدىڭ شۋوچجوۋ مەكتەبىندە كوپ بالاعا ءدارىس وقىعان ياڭ ۋەيدجان ەسىمدى ازامات كوپشىلىكتىڭ اشۋىن كەلتىردى. ەر ادام 3953 بالاعا پسيحيكاسىنا اۋىر تيەتىن سوزدەر ايتىپ، ءۇش ساعات بويى ولاردى جينالىستا ۇستاپ وتىرعان.

اناسىنا دەگەن قۇرمەتتى ۇيرەتپەك بولعان ياڭ بالالارعا اقىلعا قونىمسىز دۇنيەلەر ايتادى. ول وقۋشىلار اناسىنا قۇرمەتپەن قاراماسا، كۇن-ءتۇن دەمەي سولار ءۇشىن ەڭبەك ەتەتىن انالار جاقىن ارادا پيسحيكالىق ناۋقاس ادامعا اينالاتىنىن ءسوز ەتكەن.

اناسى اۋرۋعا دۋشار بولاتىنىنا سەنىپ قالعان وقۋشىلار كوز جاسىن توقتاتا الماي جىلاپ وتىر. الايدا جينالىس اشقان ازاماتتى بۇل كورىنىس ويلاندىرار ەمەس.

جەلى قولدانۋشىلارى كىشكەنتاي بالالارعا مۇنداي جولمەن تاربيە بەرۋ اقىلعا قونىمسىز ەكەنىن جارىسا جازۋدا. ولار مەكتەپ باسشىلىعىن بۇل جايت ءۇشىن جازاعا تارتۋدى تالاپ ەتتى.