قازاقستان اسكەرىنىڭ كورىكتى دە قايسار قىزدارى - فوتو

استانا. قازاقپارات - ەلىمىزدە قولىنا قارۋ الىپ، ەل قورعاۋ ءۇشىن اسكەر قاتارىندا جۇرگەن قىزدارىمىز جەتەرلىك.

كەشەگى ءاليا مەن مانشۇكتەي جۇرەك جۇتقان قازاقتىڭ قايسار قىزدارىن NUR. KZ پورتالى نازارلارىڭىزعا ۇسىنادى.

قازىرگى تاڭدا ەلىمىزدىڭ قارۋلى كۇشى قاتارىندا شامامەن 9000 ايەل-اسكەرلەر بار. ولاردىڭ %10 وفيتسەرلەر: پولكوۆنيكتەر سانى - 12، پودپولكوۆنيك - 31، مايور - 145، كاپيتان - 256، اعا لەيتەنانت - 277، لەيتەنانتتار - 147.

اسكەري قىزمەتكە 18 بەن 40 جاس ارالىعىنداعى، ءبىلىم دەڭگەيى ورتاشادان كەم ەمەس (قىزمەت قاتارىنا الىنۋ ءۇشىن كاسىبي نەمەسە جوعارى ءبىلىم كەرەك) بولۋى ءتيىس.

ونىڭ ۇستىنە دەنساۋلىعىنىڭ جارامدىلىعى، پسيحولوگيالىق تەست پەن فيزيكالىق دايىندىق نورماتيۆىن تاپسىرۋلارى ءتيىس.

وتباسى مەن بالالاردىڭ بولۋى قىزمەتتە بولۋعا كەدەرگى جاسامايدى.

قازاقستان رەسپۋبليكاسىنىڭ اسكەري كۇشى قاتارىندا قىزمەت ەتەتىن نازىك جاندىلار جوعارى كاسىبيلىك پەن زور سەنىمگە يە.

وتباسىنىڭ ۇيىتقىسى بولعان ايەلدەر قاۋىمى اسكەري مىندەتتەرىن ابىرويمەن اتقارۋدا.