استانادا مۇسىلماندارعا ارنالعان موبيلدىك قوسىمشا پايدا بولدى

استانا. قازاقپارات - استانادا مۇسىلماندارعا ارنالعان موبيلدىك قوسىمشا پايدا بولدى، دەپ حابارلايدى  قالا اكىمدىگىنىڭ سايتى.

iMuslim Astana- ەلورداداعى مەشىتتەر مەن نامازحانالاردىڭ مەكەن جايىن، ناماز ۋاقىتىن، قاي جەردە تەگىن اۋىزاشار بەرىپ جاتقانى تۋرالى اقپارات بەرەتىن مۇسىلماندارعا ارنالعان قولايلى موبيلدىك قوسىمشا.

سونداي-اق، اكىمدىكتىڭ رامازان ايى كەزىندە ۇسىناتىن تەگىن اۆتوبۋستاردىڭ مارشرۋتتارى كورسەتىلەدى.

بۇگىنگى كۇننەن باستاپ، iMuslim Astana جوباسى اندرويد پلاتفورماسى ارقىلى جۇمىس ىستەيتىن سمارتفوندارعا ارنالعان Play market قوسىمشاسىندا قولجەتىمدى.

ءبىر اپتادان سوڭ قوسىمشا iOS ءۇشىن App Store-دە پايدا بولادى.