ديماشتىڭ تۋعان كۇن كەشى - تولىق نۇسقا

 استانا. قازاقپارات - كۇنى كەشە عانا «جىلدىڭ ەڭ تانىمال ءانشىسى» اتاعان جەڭىپ العان وتانداسىمىز، ميلليونداردى مويىنداتقان تالانتتى ءانشى ديماش قۇدايبەرگەننىڭ قىتايدىڭ بەيجىڭ قالاسىندا دۇركىرەپ تۋعان كۇنىن وتكىزگەن بولاتىن.

سۇيىكتى انشىلەرىنىڭ تۋعان كۇنى جاقىنداعان سايىن جانكۇيەرلەر قاۋىمى ەرەكشە دايىندالدى. تۇڭعىش رەسمي الەمدىك فان- كەزدەسۋ وتە جوعارى دەڭگەيدە ءوتتى. تىڭدارماندار كەش بارىسىندا ديماشتى وزگە قىرىنان تانىدى. «تويدىڭ بولعانىنان بولادىسى قىزىق» دەمەكشى، كوپتەن كۇتكەن كەش ءوز دارەجەسىندە اسىعا كۇتكەن جانكۇيەرلەرگە ەرەكشە سەزىم سىيلادى.

ءانشىنىڭ PR- مەنەدجەرى الپامىس ءشارىموۆ تۋعان كۇندى باسىنان اياعىنا دەيىن تولىق ۆيدەوعا تۇسىرگەن ەكەن. ەندەشە، ءبىز سول كەشتىڭ تولىق نۇسقاسىن نازارلارىڭىزعا ۇسىنۋدى ءجون سانادىق. ەستەرىڭىزگە سالا كەتەيىك، ايگىلى فرانسۋز ءانشىسى لارا فابيان مەن گولليۆۋدتىڭ تانىمال اكتريساسى ەۆا لونگوريا قازاق بالاسىن تۋعان كۇنىمەن قۇتتىقتاپ، ىستىق ىقىلاستارىن ءبىلدىردى. ءتىپتى، لارا فابيان "Happy Birthday to you" ءانىن ورىنداپ بەرگەن ەدى. سونىمەن بىرگە "I am singer" بايقاۋىنىڭ فينالىندا بىرگە ءان ايتقان قىتايلىق ءانشى لاۋرە شانگ وعان بەيجىڭنىڭ قاق ورتاسىنان سوڭعى تەحنولوگيالارمەن جابدىقتالعان سۋ جاڭا ستۋديا تارتۋ ەتتى.

Massaget.kz