ا ق ش پاريج كەلىسىمشارتىنىڭ مىندەتتەرىن ورىنداۋعا دايىن ەمەس
قابىلدانعان قۇجاتقا سايكەس كلۋب مۇشەلەرى لاڭكەستىك پەن ەكسترەميزمدى قارجىلاندىرۋ جانە ناسيحاتتاۋمەن بىرلەسىپ كۇرەسىپ، عالامتور كومپانيالارىنا جاڭا تالاپتار قوياتىن بولدى. الايدا وزىق ەلدەردىڭ كوشباسشىلارى سامميتتە تالقىلانعان ەركىن ساۋدا، بوسقىندار جانە كليماتتىڭ وزگەرۋى بويىنشا ماسەلەدە ۋاعدالاستىققا قول جەتكىزە المادى. ا ق ش پرەزيدەنتى دونالد ترامپ پاريج كەلىسىمشارتى مىندەتتەرىن ورىنداۋعا دايىن ەمەستىگىن جەتكىزدى. ناتيجەسىندە سامميت تەك 6 بەتتەن تۇراتىن جۇپىنى قۇجات قابىلدادى.
پاولو دجەنتيلوني، يتاليا مينيسترلەر كەڭەسىنىڭ ءتوراعاسى:
- اشىق پىكىرتالاستىڭ ناتيجەسىن سوڭعى قورىتىندى قۇجاتتان كورۋگە بولادى. جالپى پوزيتيۆتى بولدى دەر ەدىم. الايدا كليمات جونىندەگى كەلىسسوز ەش ناتيجە بەرگەن جوق. وزدەرىڭىز بىلەسىزدەر، بۇل كەيىنگە قالدىراتىن ماسەلە ەمەس ەدى. كلۋبتىڭ 6 مۇشەسى پاريج كەلىسىمشارتى بويىنشا العان مىندەتتەرىن ورىندايتىنىن راستاعانىمەن، ا ق ش بۇل ماسەلەدە ءالى ءوز ساياساتىن ناقتىلاعان جوق. ءبىراق ۆاشينگتون دۇرىس شەشىم قابىلدايتىن شىعار دەگەن ۇمىتتەمىز.
www.24.kz
