شىعىس قازاقستان وبلىسىندا پوليتسەيلەر ۆەلوسيپەدپەن جۇرەتىن بولدى
دەپ حابارلايدى «قازاقپارات» ح ا ا ءتىلشىسى.
«جاز باستالعالى قالا كوشەلەرىنە ەكولوگيالىق ترانسپورتتىڭ اۋەسقويلارى شىعا باستايدى. سوندىقتان، ءبىز دە اۆتوموبيل جۇرگىزۋشىلەرىن ۆەلوسيپەدشىلەرگە تۇسىنىستىكپەن قاراۋعا شاقىرۋ ءۇشىن جانە جول ءجۇرۋ ەرەجەلەرىن بۇزباۋى ءۇشىن قىزمەتكەرلەرىمىزدى ەكى دوڭگەلەكتى كولىككە وتىرعىزدىق، - دەدى ش ق و ءى ءى د اكىمشىلىك پوليتسيا باسقارماسىنىڭ باس ينسپەكتورى اقگۇل اتۋدينوۆا. - وسى ايدا وسكەمەن قالاسىندا ۆەلوسيپەدشىگە قاتىستى ءبىر عانا جول- كولىك اپاتى تىركەلدى، الايدا ولارعا قاتىستى ءتۇسىپ جاتقان شاعىمدار كوپ».
پوليتسيا قىزمەتكەرلەرى ۆەلوسيپەدپەن قالاي قوزعالۋ كەرەكتىگىن، بۇرىلۋ كەزىندە جولداعىلارعا قالاي كورسەتۋ كەرەكتىگىن، جاياۋ جۇرگىنشىلەر جولاعىنان قالاي ءوتۋ كەرەكتىگىن جانە تاعى باسقالاردى وزدەرى كورسەتتى. سونداي- اق، ءتارتىپ ساقشىلارى ولار 14 جاسقا دەيىنگى بالالارعا جولعا شىعۋعا تىيىم سالىناتىندىعىن، 7 جاسقا دەيىنگى بالالاردى ارنايى جابدىقتالعان ورىندىقپەن الىپ ءجۇرۋ كەرەكتىگىن كوپشىلىكتىڭ ەسىنە سالدى.
