رۋسلان ءابدىرازاقوۆ «الماتى بارىسى» اتاندى

استانا. قازاقپارات - بۇگىن الماتى قالاسىنداعى بالۋان شولاق اتىنداعى سپورت سارايىندا قازاق كۇرەسىنەن «الماتى بارىسى» تۋرنيرى ءوتتى. سايىس ناتيجەسى بويىنشا 3 - شىلدەدە استانادا وتەتىن رەسپۋبليكالىق «قازاقستان بارىسى» تۋرنيرىنە وڭتۇستىك استانادان 2 بالۋان جولداما الدى، دەپ حابارلايدى قازاقپارات.
None
None

تارتىستى دودا باستالماس بۇرىن قالا اكىمى باۋىرجان بايبەك پەن «قازاقستان بارىسى» پرەزيدەنتى ارمان شۋرايەۆ ءسوز سويلەدى.

 سايىستا شاھاردىڭ 8 اۋدانىنان 24 بالۋان باق سىنادى. العاشقى ىرىكتەۋ كەزەڭدەرىنەن- اق بالۋاندار تارتىستى ونەر كورسەتتى. ىرىكتەۋ كەزەڭىنەن سۇرىنبەي وتكەن ءتورت بالۋان جارتىلاي فينالعا جولداما الدى. ولار: ۆيكتور دەميانەنكو، ءالىمجان جۇماحمەتوۆ، رۋسلان ءابدىرازاقوۆ جانە داۋرەن نۇرالينوۆ. 

null

جارتىلاي فينالدىڭ العاشقى كەزدەسۋىندە بوز كىلەمگە ۆيكتور دەميانەنكو مەن رۋسلان ءابدىرازاقوۆ شىقتى. رۋسلان قارسىلاسىن ايقىن باسىمدىقپەن جەڭىپ، فينالعا جولداما الدى.

ەكىنشى جارتىلاي فينالدىق باسەكەدە داۋرەن نۇرالينوۆ پەن ءالىمجان جۇماحمەتوۆ بەلدەسىپ، داۋرەن اقتىق سىنعا شىقتى.

null

ءۇشىنشى ورىن ءۇشىن وتكەن كەزدەسۋدە تۋرنيردىڭ بىلتىرعى چەمپيونى ۆيكتور دەميانەنكو قارسىلاسىن قاپى قالدىرىپ، قولا جۇلدەگە قول جەتكىزدى.

 فينالدىق كەزدەسۋدە رۋسلان ءابدىرازاقوۆ داۋرەن نۇرالينوۆتەن ايلاسىن اسىرىپ، «الماتى بارىسى» اتاندى.

ەكىنشى جانە ءۇشىنشى ورىن العان بالۋاندار ارنايى بەلبەۋ مەن اقشالاي سىيلىققا يە بولدى. ال رۋسلان ءابدىرازاقوۆقا بەلبەۋ مەن «لادا گرانتا» اۆتوكولىگى سىيعا تارتىلدى.

 null

ايتا كەتەيىك، رۋسلان مەن داۋرەن «قازاقستان بارىسى» تۋرنيرىندە الماتى قالاسىنىڭ نامىسىن قورعايتىن بولدى.

اۆتور: ەربول جانات

null

سوڭعى جاڭالىقتار