ەلوردادا تۇرعىندارى مەن قوناقتارىنا ساپالى اقپارات جەتكىزىپ وتىرۋ دەڭگەيى ارتادى
جوبانىڭ ماقساتى - قالا تۇرعىندارى مەن قوناقتارىنا ساپالى اقپارات جەتكىزىپ وتىرۋ، قولجەتىمدىلىك دەڭگەيىن ارتتىرۋ، سونداي- اق قالا سەرۆيستەرى جايىندا ناسيحاتتاۋ.
جوبا اۆتورىنىڭ جاڭا تۇجىرىمداماسى بويىنشا Smart Astana ءۇش توپتى قامتۋى ءتيىس: قالا تۇرعىندارى مەن قوناقتارىن، استانا قالاسى اكىمدىگىنىڭ باسقارمالارى جانە حالىققا قىزمەت كورسەتەتىن كوممەرتسيالىق ۇيىمدار.
«قولدانۋشىلارعا بارىنشا قولايلى ينتەرفەيس قۇرۋعا تىرىستىق. قوسىمشانىڭ بارلىق تۇجىرىمداماسى اياقتالدى. «قالالىق جانە مەملەكەتتىك قىزمەتتەرگە جازبا» بولىمىندە جاڭا مىندەتتەر پايدا بولدى»، - دەيدى جوبانى قۇراستىرۋشىلار.
ماۋسىمنىڭ 1-نەن باستاپ قۇرىلعىنىڭ كومەگى ارقىلى اكىمدىكتىڭ وكىلەتتى تۇلعالارىنىڭ قابىلداۋىنا ونلاين تارتىپتە جازىلۋعا مۇمكىندىك بار: قولدانۋشى بوس كۇن مەن ۋاقىتتى بىردەن كورە الادى. بۇل قىزمەت تەك عانا Smart Astana جۇيەسىنە تىركەلگەن ەمحانالاردا قولجەتىمدى بولادى. ال، قازىرگى تاڭدا قالعان قالالىق مەديتسينالىق مەكەمەلەردى جۇيەگە قوسۋ جۇمىستارى جالعاسۋدا.
سونىمەن قاتار، «109» قىزمەتىمەن دە قوسىمشا ارقىلى بايلانىسقا شىعۋعا مۇمكىندىك بار. جاۋاپ Smart Astana اككاۋنتىنا نەمەسە كورسەتىلگەن ەلەكتروندى پوشتانىڭ مەكەنجايىنا كەلەدى. سونداي- اق، تۇرعىلىقتى مەكەنجاي بويىنشا ۋچاسكەلىك ينسپەكتورعا قاتىستى مالىمەتتەردى دە الۋعا بولادى.
«دەنساۋلىق» بولىمىندە دارىگەردىڭ قابىلداۋىنا ونلاين- جازىلۋعا جانە دارىگەردى ۇيگە شاقىرۋعا بولاتىن فۋنكتسيا پايدا بولادى. ماۋسىمنىڭ 1-نەن باستاپ قۇرىلعىنىڭ كومەگى ارقىلى قولدانۋشى قاي ەمحاناعا تىركەلگەنىن دە بىلە الادى. ءبىرىڭعاي call-center مەديتسينالىق قىزمەتى بارلىق سۇراقتارعا جاۋاپ بەرەدى.
بۇدان بولەك، قوسىمشا قولدانۋشىلارى بالالاردى بالاباقشا كەزەگى مەن ءبىرىنشى سىنىپقا تىركەۋ مۇمكىندىگىنە يە جانە كەزەكتىڭ قالاي جىلجىپ جاتقانىن تۇراقتى باقىلاپ وتىرا الادى.
«ەكسپو-2017 استانا» مامانداندىرىلعان حالىقارالىق كورمەسى قارساڭىندا قالا تۇرعىندارى مەن قوناقتارى قوسىمشانىڭ ارنايى بولىمىنەن ەكسپو- عا ارنالعان ءىس- شارالار تۋرالى تولىق باعدارلامانى جانە بيلەت ساتىپ الۋعا ارنالعان مالىمەتتەردى كورە الادى. قوسىمشانىڭ مۇنىمەن ارتىقشىلىقتارى بىتپەيدى. قالالىق تەمىرجول ۆوكزالى، «ساپارجاي» ۆوكزالى، حالىقارالىق اۋەجايدىڭ كورسەتكىش تاقتالارىن دا قوسىمشادان تاباسىز. قالالىق اۆتوبۋستاردىڭ ءجۇرۋ كەستەسى دە وسى جەردە.
«Astana Innovation» جوباسىن جۇزەگە اسىرۋ اياسىندا قوسىمشادا «بەلسەندى تۇرعىن» جاڭا جوباسى ىسكە قوسىلادى. وندا قالالىق سەرۆيستەردىڭ جۇمىسىنا قاتىستى الەۋمەتتىك ساۋالناما جۇرگىزىلەدى.
قوسىمشانىڭ ەسكى نۇسقاسىن 200000-عا جۋىق ادام قولدانادى. Smart Astana جاڭالىقتارىنا قوسىلۋ Instagram, Facebook جانە ۆكونتاكتە جەلىلەرى ارقىلى جۇرگىزىلەدى.
تولىق جاڭارتىلىپ بىتكەن سوڭ Smart Astana موبيلدى قوسىمشاسى جەلى قولدانۋشىلارى ءۇشىن Android جانە IoS پلاتفورمالارىندا 1- ماۋسىمنان باستاپ قول جەتىمدى.
